Научниците од универзитетот во Буфало утврдиле дека сок од портокал го неутрализира оксидантниот стрес кој настанува во организмот после нездрав оброк, полно масти и јаглехидрати, и на тој начин ги штити крвните жили од оштетување.
До овие резултати дошле по истражувања во кои учествувале три групи здрави мажи и жени на кои претходно им е понуден висококалоричен доручек.
Познато е дека еден портокал содржи онолку витамин Ц колку што е препорачано дневно внесување, но ова овошје освен витамини Ц, Б и А, содржи и други корисни состојки како аминокиселини, бета-каротен, пектин, фолна киселина, калиум, калцум, јод, фосфор, цинк, манган и железо. Најкорисен дел од портокалот е сочната пулпа, но и лушпата исто така е богата со антиканцерогени состојки и антиоксиданси. Поточно, содржината на биофлавонид (антиоксиданси) и витамин Ц е најголем во овие делови од плодот.
Foto: Thinkstock
