Децата кои појадуваат, по правило, немаат проблем со тежината. Со појадокот треба да се обезбеди 25-30 % од дневниот износ на калории. Во текот на детството создавањето на правилни прехранбени навики е мошне важно. Навиките најчесто се стекнуваат низ примери од родителите.
Децата кои се на училишна возраст, имаат потреба од нутритивно вредни продукти, поради тоа што се во период на интензивен раст и развој. Токму затоа, многу е важно да се обезбеди хранливо мени во текот на целиот ден. Во текот на детството, децата во текот на една година, просечно растат од 5 до 7, 5 см, а добиваат од 1,5 до 2 кг на тежина. Во овој животен период, клучно е да се задоволат нивните потреби за протеини. Тоа најсоодветно може да се направи со сервирање на месни продукти или нивна замена, 2-3 пати. Едно сервирање претставува околу 60 г. Месо, 80 г риба, 2 јајца или половина шолја варени зеленчуци како грав, грашок и сл.
Препорачлив извор на протеини се месо од живина, телешко, говедско и риба. Внесувањето на риба се препорачува 2 до 3 пати во неделата, посебно риба богата со омега масни киселини (туна, скуша, лосос).
Внимание треба да се посвети и на соодветниот енергетски износ. За деца на возраст од 7 до 10 години, енергетските потреби се 70 кал/кг од телесната маса. На возраст од 11 до 14 години, овие потреби се намалуваат на 55 кај момчињата, а 47 кал/кг телесна маса кај девојчиња.
Најдобро е дневното внесување на храна да се распореди на 4 до 5 помали оброци од 2 до 3 големи. Појадокот треба да обезбеди 25-30 % од дневниот износ на калории. Познато е дека децата кои појадуваат имаат помалку проблеми со контролата на телесната тежина. Тоа пак влијае на нивната подготвеност за извршување на дневните задачи.
Житарки со млеко или јогурт, овошен сок (цеден), сендвич со путер, сирење и шунка, варено јајце, се дел од препорачаните намирници за квалитетен појадок.
Златни правила за правилно хранење на ученици се:
- Појадок за почеток на денот; По цела ноќ сон, појадокот го полни стомакот и обезбедува енергија за училишниот напор
- Движење; Спортот е значаен за правилен детски развој
- Разнолична исхрана; Една намирница не може да обезбеди доволно хранливи материи. Затоа за децата е важна разноликоста на прехранбените продукти
- Намалување на лошите намирници; Не мора да се откаже во целост, но треба да има граници на овој тип продукти
- Доволно количество житарки, овошје и зеленчук; Јаглехидратите со кои се богати овој тип на намирници, даваат енергија, витамини, минерали и прехранбени влакна
- Редовни оброци; За да се контролира гладот, ужината е паметен избор за меѓуоброк. Треба да се внимава да нема прејадување, но и да не се пропуштаат вистинските оброци.
- Доволно течности; Дневно мора да се внесат 1,5 литар течности. Тоа се 7 до 8 чаши.
