Ангелу мој, нема да ги паметиш солзите на мајка си: Гога Секулиќ со емотивно писмо за синот
Пејачката Гога Секулиќ, пред година, на партнерот Урош Домановиќ, му го подари синот Василиј Андреја. Пред да го донесе на свет синот, Гога беше позната по сосема различен начин на живот од оној сега.
По повод роденденот на малиот, Гога на социјалните мрежи напиша емотивна порака.
- Драг наш сине, те гледам како денеска безгрижно спиеш покрај мене и твојот татко, а низ главата ми поминуваат илјада прашања. Што ли сонуваш? Веќе помина, ангелу драг, 12 месеци откако влезе во нашиот живот и ни го промени засекогаш. Откако се роди, ни го разубавуваш секој ден. Животот доби некоја нова смисла. Денеска не е само твојот роденден...денеска е најубавиот ден во годината, денот кога нашите животи станаа поубави и подобри. Денот кога дознавме што е вистинска серќа.Ти, сине, нема да паметиш кога те носев девет месеци во стомакот, ни кога легнав на столицата за породување, додека твојот татко цврсто ме држеше за раката и ми велеше „се ќе биде во ред“. Нема да ги паметиш солзите на твојата мајка кога бев над тебе и се грижев! Не е тоа ни важно, твојата мајка ќе биде секогаш тука за тебе, да те чува, да се радува на секој твој нов збор, успех, растење! Биди ни среќен, ангелу наш, нека ти е убав овој ден- напиша пејачката под фотографијата со синот.
Роденденот на Василиј Андреја го прославија во интимна атмосфера во Цирих, заедно со најблиските членови на фамилијата.