Беше мечка, а сега... Синот на Шварценегер нема да го препознаете-од сериозена гојазност до вистински фраер

Добивај вести на Viber

Најмладиот син на Арнолд Шварценегер, Кристофер Шварценегер, привлече големо внимание во јавноста со својата извонредна физичка трансформација на новата семејна фотографија - и не требаше ни да ги стегне мускулите за да остави силен впечаток.

Додека неговиот постар брат Патрик (31) редовно го покажува своето извајано тело во серијата White Lotus, неговиот четири години помлад брат Кристофер одлучи дека неговиот напредок зборува сам за себе. Фотографијата на Инстаграм ја објави нивната сестра Кетрин по повод Националниот ден на браќата и сестрите, на која гледаме уште една помлада жена од семејството Шварценегер - 33-годишната Кристина.

Кристофер, кој претходно ретко се појавуваше во јавноста, на семејната фотографија изгледа фит, самоуверено и речиси непрепознатливо во споредба со неговото претходно појавување кога имаше прекумерна тежина. Носеше едноставна, тесна темносина маица и сиви шорцеви, а новата фигура е само потврда за сериозната посветеност на здравиот начин на живот.

Се разбира, неговата трансформација не дојде преку ноќ - тоа е резултат на тивката и постојана фитнес рутина што ја започна во 2020 година.

Инспириран од неговиот помлад брат

Судејќи по се, тој можеби делумно нашол инспирација во неговиот полубрат Џозеф Бин, синот на Арнолд и поранешната домаќинка Милдред Бин, кој, патем, е познат по неговото исклучително извајано тело и апсолутна посветеност на тренинзите и теретаната, а многу луѓе го опишуваат како најсличен на неговиот татко.

Аферата на Арнолд Шварценегер со Милдред Бин се чуваше во тајност со години, сè додека не излезе во јавноста во 2010 година - што доведе до колапс на неговиот брак со Марија Шрајвер, мајка на четири негови деца, вклучувајќи го и Кристофер. Сепак, семејството одржуваше добри односи, особено кога беа во прашање децата.

Инаку, Кристофер, кој претходно се држеше прилично настрана, во 2020 година си постави за цел „да влезе во форма за дипломирање“ на Универзитетот во Мичиген, што успешно го постигна.

„Почна да вежба и да донесува подобри одлуки кога е во прашање исхраната. Живееше како типичен студент неколку години, но сега е голем и е подготвен да се грижи за своето здравје", рекол извор близок до семејството.

Без брзи диети - само работа, ред и дисциплина

За разлика од многумина кои бараат брзи решенија, Кристофер ја исклучи брзата храна од исхраната и почна редовно да вежба. Тој, наводно, сакал да ја усвои истата дисциплина и менталитет што неговиот татко ги негувал низ годините како бодибилдер и актер.

Иако имаше шпекулации за употреба на популарни лекови за слабеење како Оземпик, не е потврдено дека некој од семејството користел таква помош.

Неговата трансформација не остана незабележана ниту од членовите на семејството. Кога го прослави својот 24-ти роденден, и Арнолд и неговиот брат Патрик јавно му честитаа и ги пофалија неговите напори.

„Помеѓу бокс, кревање тегови, истегнување, возење велосипед и којзнае што друго - не можам ни да издржам!“, напиша Арнолд на Инстаграм.

Патрик му оговорил: „Горд сум на тебе. Нова работа. Доминираш во теретана. Сосема нова личност. Едвај чекам да видам што ќе ти донесе оваа година".