Бесплатен лек потребен на сите жени над 50 години: Животен тренер открива како да ги олесните симптомите на менопауза

Како со мисла да ги ублажите симптомите на менопаузата - познат животен тренер открива дека со промена на нашата перспектива, можеме да ги направиме нашите зрели години најсреќни!

Периодот на менопауза најчесто е проследен со непријатни симптоми како што се промени во расположението, потење, топли бранови, намалено либидо, а верувале или не, многу од овие симптоми може да се ублажат со позитивни мисли.

Џесика Васало, животен тренер и тренер за трансформација, им кажува на сите жени во менопауза: „Имаме живот за живеење, немаме време да се затвориме на поткровје некаде за да се извиниме“.

Покрај физичките непријатности, жените за време на перименопаузата и менопаузата се соочуваат со промени во нивното ментално здравје, од кои најчести се недостатокот на самодоверба и анксиозноста. Џесика истакнува дека со менување на начинот на размислување можеме да ги смениме нашите навики, чувства, однесување и самата енергија што не придружува во овие години.

Според неа, жените во менопауза не треба да се борат против менопаузата, туку да ја менуваат својата перспектива. Таа користи невро-лингвистичко програмирање (промена на шеми на негативни мисли), позитивна психологија и терапија за разговор „за да им помогне на луѓето да се чувствуваат моќни и да ги променат своите животи“. Иако многу жени сметаат дека менопаузата носи стагнација, таа всушност може да биде одлична можност да го промените вашиот живот на подобро, онака како што сте сонувале.

Со менување на нашите мисли, ја подигаме свеста за нашите навики и начинот на кој зборуваме со себе. Во менопаузата важно е да се ослободите од претераната самокритичност, да се ослободите од тој негативен глас што го упатувате кон себе. Како што наведува лајф тренерот - „Ова навистина им помага на луѓето да се ресетираат и да се вратат во светот и да се чувствуваат силни“.

Што е менопауза и на која возраст обично започнува?

Менопаузата е природен дел од стареењето, што обично се случува кога жената има помеѓу 45 и 55 години. Тоа се случува кога нивото на естроген во телото почнува да опаѓа. Во овој период менструалниот циклус станува поредок или може наеднаш да престане, а по менопаузата жените ја губат способноста за природно зачнување.

Перспективата што ја имаме за менопаузата значително влијае на квалитетот на нашиот живот и на симптомите на менопаузата. „Некоја жена со нетрпение го чека крајот на менструацијата, ја доживува како слобода, се ослободува, децата си заминаа од дома, ова е нејзино време“ – вели Џесика. „Додека за другите луѓе нивниот свет е целосно потресен, тие чувствуваат дека немаат цел. Ова може да го разниша нивното битие и идентитет, така што ќе ја изгубат довербата. А ова може да се случи на работа и дома“.

Самиот збор менопауза укажува на прекин на менструацијата, но тоа не значи дека треба да престанеме да растеме, да се радуваме и да се развиваме. Менувањето на начинот на размислување во менопаузата во позитивно може да донесе позитивни промени, наместо да очајувате и да живеете во минатото.

Иако сме свесни дека ова е нов животен циклус и дека нема причина за страв и непријатност, важно е да обрнеме внимание на нашата потсвест. Во текот на животот стекнуваме различни верувања од општеството, родителите и околината за сè, вклучително и менопаузата. Животниот тренер нагласува дека треба да сфатите дека вие не сте вашата мајка или баба, туку жените од вашата генерација кои ја прифаќаат менопаузата на сосема поинакво ниво.

Џесика објасни дека жените треба да запомнат дека во перименопауза и менопауза можат да го изберат својот пат напред, треба да размислат каков ќе биде животот за нив сега кога нивните деца го напуштиле домот и да ги пренасочат сите промени што се случуваат кон нивната цел“.

Пред да влезете во менопауза, информирајте се за оваа состојба со експерти, на теми поврзани со физичкото и менталното здравје. Влезете во овој период подготвени и свесни дека тоа е доба во која можете да го промените животот и покрај сите предизвици и непријатни симптоми. Менопаузата е одлично време за трансформација, искористете ја!

Кои се најчестите симптоми на менопауза:

Отсуство или неправилни менструации

Тешкотии со спиење

Анксиозност и губење на самодовербата

Нерасположение, раздразливост и депресија

Ноќно потење

Сувост на вагината или непријатност за време на сексот

Намалено либидо (сексуален нагон)

Проблеми со концентрација или меморија

Зголемување на телесната тежина

Уринарна инконтиненција

Извор: novi.ba