Два најрани симптоми на омикрон: Сите го имаат ова пред температура и кашлица
![](/media/main/2022/02/20220207135716.jpg)
Обрнете внимание на сигналите што ви ги испраќа телото!
Студијата на научниците објавена во Journal of Microbiology, Immunology покажа дека стомачните проблеми се релативно чест ран симптом на вирусот, па гастро симптомите може да бидат знак дека лицето е заразено со омикрон, пишува Вечерњи лист.
Од почетокот на пандемијата, Центарот за контрола и превенција на болести (ЦДЦ) ги вклучи гадењето и повраќањето во листата на можни симптоми на Ковид-19. Но, лекарите сега предупредуваат дека овие два симптоми би можеле да бидат првите што ќе се појават кај пациенти инфицирани со варијантата омикрон.
„Во делта, симптомите на горните дишни патишта беа многу тешки и се јавуваа во белите дробови. Пациентите ќе имаат пневмонија, потешкотии со дишењето и ќе завршат на респиратор. Но, кај омикрон, пациентите имаат поголема веројатност да имаат гастроинтестинални проблеми и да имаат повеќе симптоми“, рече Бил Адмајр, главен медицински службеник во болница во Алабама.
Студија објавена во Журналот за микробиологија, имунологија и инфекција покажа дека стомачните проблеми се релативно чест ран симптом на вирусот.
Студијата наведува дека гадење и повраќање се јавуваат и кај возрасни и кај деца и дека тоа може да се првичните симптоми на инфекцијата. Понатаму, гастро симптомите може да бидат и знак дека некое лице е заразено со омикрон, а тоа не е само обична настинка.
Тим Спектор, професор по генетска епидемиологија на Кралскиот колеџ во Лондон, истакнува дека овие два гастроинтестинални симптоми се почести кај луѓето кои биле целосно вакцинирани или примиле бустер доза.
извор:stil.kurir.rs