Џенифер Лопез и Анистон во различни стилови доминатни на црвениот тепих на „Златните глобуси“: Чиј фустан ви се допаѓа повеќе?

Џенифер Анистон и Џенифер Лопез ги привлекоа погледите на црвениот тепих на 81-от Златен глобус одржан во хотелот Беверли Хилтон во Лос Анџелес.

Џенифер Анистон е љубител на класиката на сите времиња, а често позира во мал црн фустан на црвениот тепих. Така беше и на овогодинешниот Златен глобус, каде таа се појави со екипата на „The Morning Show“, во која игра една од главните улоги, а беше номинирана во категоријата за најдобра драмска серија.

Американската актерка избра црн фустан без ракави со деколте во облик на срце од италијанското дуо Долче и Габана. Горниот дел од фустанот беше блиску до телото како корсет и ја истакнуваше нејзината витка линија, додека здолништето украсено со светкави детали визуелно ја издолжуваше нејзината силуета.

Изданието го заокружи со неколку пристојни парчиња накит, а многумина веднаш ги забележаа нејзините значително скратени локни, кои неодоливо потсетуваат на легендарната фризура на Рејчел.

Нејзината колешка и имењачка Џенифер Лопез за тој настан избра многу сличен, но во исто време и значително различен фустан.

Џенифер Лопез се одлучи за тесен модел со деколте во облик на срце, кој ги истакнува женствените адути, но избра пообемна креација од Nicole + Felicia Couture во нежно розова нијанса.

Станува збор за фустан со предимензионирани ракави украсен со рози и долг воз во кој е невозможно да останете незабележани. Изданието го надополнила со ефектни обетки и чанта - писмо. А полите на фустанот и беа толку долги што не се гледаа чевлите за тој свечен настан.

Џенифер Лопез се појави на Златниот глобус за да го поддржи нејзиниот сопруг Бен Афлек и неговиот филм „Air“, кој беше номиниран за најдобар филмски мјузикл или комедија.