Култура // Настани
(ГАЛЕРИЈА) Атмосферата од вториот марш „Скопје Прајд 2021“
Денеска се одржува втората Парада на гордоста во Скопје, под мотото „Вон ѕидовите“. Парадата е протест, но и прослава за подобрување на правата на ЛГБТ заедницата.
Маршот започна од центарот на Скопје, поточно од паркот Жена борец, а истиот треба да заврши во Градскиот парк. Учесниците со транспаренти, знаменца, музика и други реквизити ја започнаа парадата, а најзабележлива беше пораката „Доста е криење“.
Меѓу познатите кои маршираат на парада се и претседателот Стево Пендаровски и првата дама Елизабета, министерката за одбрана Радмила Шеќеринска, сопругата на премиерот Зорица Заева, но и други.
Исто така, помеѓу учесниците на парадата особено се истакнуваат странците од повеќе земји од регионот и пошироко.
Р.Ж.М.
фото: Љубица Иванова
