(ГАЛЕРИЈА) Фантастичен концерт: Здравко Чолиќ ја прскаше со вода публиката во Скопје
Полн со енергија и со силен глас поради кој е препознатлив, Здравко Чолиќ, сношти на концертот во Скопје на Градскиот стадион уште еднаш докажа зошто е број еден во регионот.
Чола е за сите времиња и за сите генерации. Репертоарот од три ипол часа тој не го крати, туку додава нови и стари, малку подзаборавени, нему драги песни. Шетајќи не назад во фестивалските хитови како „Живиш у облацима“, преку „Чија е оно звијезда“ до „Тебе чувам за крај“ од поновите, Здравко ни подари носталгично, но и весело уживање.
Во еден момент го понесе енергијата, па ја освежи публиката. Оние во првите редови ги испрска со вода, што предизивика воодушевување плус. Неговиот рецепт е проверен и не треба да го менува. Песните ги пее од срце, помалку зборува помеѓу нив, на дел од хитовите има фантастични танчари, а тапанаот Драгољуб Ѓуришиќ со неговите ученици му се специјални гости.
Маја Гроздановска- Панчева со ќерките, со пријателите и со фудбалската легенда Драган Канатларовски
Здравко е вистински стадионски пејач, пејач за маса народ.
По двата одржани концерти лани во ноември во ВИП Арената, по само седум месеци, му успеа и трет концерт од кој многу луѓе си заминаа среќни, пеејќи ги неговите и нивни хитови.
М.Џаровска
Фото: В.Тануровски
