Готвиме со Маја: Полнети тиквички

Се одморивме, ама не знам од што цела година плажа и кујна и пак плажа ама без кујна и сфатив … Мене покрај плажа кујната ми е „рилекс” зона и од тоа одмор не ми треба. Затоа уште одма си се фрлив на работа. Си купив жолти тиквички и уште не распакувани се пикнав во кујна. Нас ептен вкусно ни беше за Вас не знам, ќе мора да пробате. 

Потребни состојки:

3 жолти тиквички 

300гр. јунешко филе 

100гр. булгур

3 домати

мала главица кромид (лила)

4 чешниња лук

1 м.лажичка мајчина душица

1м.лажица црвен пипер

прстофат диво нане 

сол и бобер по желба 

Кромидот насецкајте го ситно и продинстајте го 2 до 3 мин. Додадете ги зачините потоа месото и лукот и продинстајте 5 мин. Додадете ги доматите претходно излупени и насецкани и варете на тивко околу 40тина мин. Додадете сол и бибер по желба. 

Во меѓувреме на малите тиквички пресечете им ја рачката и  издлабете ги да ја извадите внатрешноста. Се што ќе извадите додадете во варивото 10 мин.пред крај. Во тиквичките на дното ставете по 3 лажици булгур односно 100 грама поделете на 3 дела. Потоа наполнете ги со варивото.

 Печете во рерна 20 минути на 150 степени  со тоа што во тавата ќе ставите 2 прста вода.

Bon appetit!