Готвиме со Маја: Супа од авокадо

Понекогаш среќавам луѓе кои што не сакаат долго да се во кујна, а сепак сакаат здрав оброк. Денешниов рецепт е токму за нив. Брз, најлесен и здрав. Што е најважно „homemade”, затоа што јас сметам дека е важно да јадеме дома … Сирова супа од авокадо за сите генерации. 

Потребни состојки за 2 чаши: 

1 средно авокадо (или половина големо)

1 млад кромид

половина лимон (исцесен)

1 шака бејби спанаќ

3 ливчиња нане

1 лажичка шарена сол

прстофат ким (по можност мелен)

половина краставица

1 шоља ладна вода 

2 лажици маслиново масло

сол и бибер 

Сите состојки ставете ги во блендер и блендирајте додека не добиете кремаста смеса. Пробајте ја супата и додадете сол и бибер колку што сакате а може да додадете и вода ако сакате да е потечна. Јас декорирав со домашни кубети, домашен пармезан чипс, подпечени семки од тиква и нане. 

Брза и превкусна вечера 

 Совет : За оние кои што сакаат да експиремнтираат ова е совршен рецепт, додадете зачини и зеленчук по желба. Дури може да ставите место вода кокосово млеко за готвење, не за пиење. 


За Женски Магазин, готви Маја Зивчевиќ