Изгледаат како „милион долари“: Софија Вергара и Хајди Клум уживаа во заедничко ноќно излегување

Добивај вести на Viber

Актерката и манекенката уживаат во времето поминато заедно, а со својот моден избор се пофалија на Инстаграм.

Манекенката Хајди Клум и актерката Софија Вергара, која според многумина е една од најубавите жени на светот, ги изненадија своите следбеници со заедничкото излегување. Очигледно е дека меѓусебно не се сметаат за конкуренција, туку дека ги врзува искрено пријателство. Клум и Вергара се подготвија за заедничко ноќно излегување кое започна со вечера во ресторанот „Мадео“ во Калифорнија. Како што пренесува Дејли Мејл, тие во италијанскиот ресторан пристигнале фатени за раце, а како и секогаш успешно ја истакнале својата природна убавина со впечатливите модни избори и го привлекле вниманието на многумина. Имено, 50-годишната Хајди одлучила за дружење со својата пријателка да облече „минималистички црн фустан“ со светки, кој одлично ја следел линијата на телото на овој супермодел. Со црната бунда ги прекрила рамениците, а целата комбинација ја заокружила со црни чевли со високи потпетици и блескава чанта.

Од друга страна, 51-годишната Софија уште еднаш докажа дека има извонредна фигура во тесен кафен макси фустан. Ѕвездата на серијата „Модерно семејство“ фустанот го комплетираше со чевли на платформа и црна чанта од модната куќа Bottega Veneta. Очигледно задоволна од својот моден избор, неверојатната Колумбијка сподели фотографија од облеката со своите нешто повеќе од 32 милиони следбеници на Инстаграм.

А Хајди имаше потреба да се пофали со својот состанок на социјалните мрежи, па на Инстаграм се појави класична заедничка фотографија пред огледалото. По доброто време со нејзината пријателка, нејзиниот сопруг, 34-годишниот Том Каулиц, дошол да ја земе германската ѕвезда со автомобил, а парот разменил романтичен бакнеж. Хајди е во брак со пејачот на групата „Хотел Токио“ од 2019 година, а се венчаа по една година врска. На почетокот, поради разликата во години, многумина се сомневаа во долговечноста на нивната врска, но парот често покажуваше моменти на нежност во јавноста, докажувајќи им на сите дека се среќни заедно.

Што се однесува до љубовниот живот на Софија, таа неодамна се раздели од сопругот, 46-годишниот Џо Манганиело, со кој е во брак седум години. Откако официјално објавија дека се разделуваат, за Дејли Мејл објаснија дека на почетокот биле привлечени еден за друг затоа што биле толку „различни“, но на крајот сепак довело до нивен развод.