„Какви портокали, ова овошје е чудо за настинки и вируси“: Познат доктор откри кои намирници се бомба за имунитетот во есен

Започнува сезоната на настинки и вируси, а гастроентерологот д-р Воислав Перишиќ открива кoja храна не‘ штити наесен

На почетокот на есента треба да внимаваме на имунитетот и неговото зајакнување. Сезоната на настинки и вируси започна, а гастроентерологот д-р Воислав Перишиќ открива како можеме да се заштитиме.

Како гостин во „Jutru“ на Прва, д-р Перишиќ објасни каде грешиме најмногу, која храна е најдобра во овој момент и како ќе го зајакнеме имунитетот.

„Основната премиса што ги учиме учениците е следнава: кога доаѓа есента, време е на вирусни инфекции. Која храна влијае на зголемување на клеточниот имунитет против вируси? Едно јајце. За појадок мора да јадеме барем едно јајце. Кој јаде јајце не му треба друг протеин. Не е важно дали е варено или пржено, не е важно“, вели д-р Перишиќ и додава дека треба да јадеме тиква, особено децата.

„Се што е жолто од овошје, тиква и дуња. Бета каротинот е моќен антиоксиданс, но само го гасне огнот на претстојната вирусна инфекција. Треба да јадете тиква за ужина и да ја измешате со банана, таа комбинација е совршена за деца! Можете да додадете малку цимет, циметот како додаток е моќна антивирусна храна. Додајте цимет на децата над една година“, изјави гастроентерологот.

Иако многумина мислат дека го збогатиле организмот со витамини од портокалите, д-р Перишиќ открива дека најдобра опција е да ги замените со една црвена пиперка.

„Кој јаде по една пиперка дневно, тој ја примил дневната потреба од витамин Ц. Не треба да јадете портокали, ананаси и слично, доволна е една црвена пиперка. Ако јадеме доволно протеини и липиди, нема да има инфекции. Знаете што, кога ќе се појави инфекција, тоа е страшна експлозија на оксидативен стрес. Не ни пречи вирусот како вирус, туку оксидативниот стрес. Тоа го решаваме со свежо овошје и зеленчук“, вели д-р Перишиќ и додава :

„Треба да јадеме тиквички, модри патлиџани, брокула, а најдобро е да им ги даваме на децата. Тие треба да се додаваат во јадења што ги сакаат децата, малку по малку. Зелката е антиоксиданс, а најдобро е кога е сварена. Тоа е единственото растение кој има пробиотски бактерии. Кога го јадеме, внесуваме многу антиоксиданси, температурата на која се готви не ја уништува таа бактерија“, рече тој.


Фото: youtube - screenshoot

Д-р Перишиќ откри кај кои болести помага сода бикарбона: А еве на што не треба да фрламе пари