Кога се користи сода бикарбона, a кога прашок за пециво при подготовка на колачи и тесто: Која е разликата?

Добивај вести на Viber

Прашокот за пециво и сода бикарбоната најчесто се користат за подигнување на тестото, а додека многумина се убедени дека содата е подобра замена за прашокот за пециво, едноставно се чудат кога во рецептот ќе прочитаат дека и двете состојки се неопходни. Затоа, некои рецепти некои бараат прашок за пециво, други сода бикарбона, а некои ги бараат и двете. Иако изгледа дека е напишано случајно, сепак не е така.

Има причина зошто некои теста бараат сода бикарбона, а некои прашок за пециво. А главниот мит е дека содата се користи како замена за прашокот за пециво, сепак, треба да знаеме дека содата бикарбона бара друга состојка која е кисела, додека прашокот за пециво веќе ја има таа киселина во себе.

Сода бикарбона ќе реагира со храна како што се мед или какао во прав, додека прашокот за пециво ќе реагира при контакт со обична вода.

Реакцијата на сода бикарбона и некои други, кисели намирници всушност предизвикува производство на јаглерод диоксид - се создаваат мали меурчиња, а токму оваа особина на сода бикарбона помага смесата на тесто/колач да нарасне.

Прашокот за пециво, од друга страна, е комбинација од сода бикарбона, киселина и состојка што ја апсорбира влагата - како пченкарен скроб. Со оглед на тоа дека прашокот за пециво веќе содржи киселина, не е потребно да додаваме малку кисела храна во смесата во која го користиме.

Најчестиот прашок за пециво на пазарот е оној кој реагира во две фази - прво при навлажнување и втор пат под влијание на висока температура. Тоа е моментот кога ја ставаме течната смеса од бисквити во плехот, а при печењето смесата се удвојува и ја добива таа специфична сунѓереста форма.

Затоа, можете да користите прашок за пециво за да ги подготвите речиси сите десерти кои бараат таков додаток, додека сода бикарбона доколку сакате да предизвикате реакција и промена бара додавање на нешто кисело.