Конечно планетата ќе здивне од нас луѓето: Андријана Јаневска ужива во домашна изолација со семејството

Добивај вести на Viber

Пејачката, виолинистка и професор на ФМУ Андријана Јаневска, во овие моменти на домашна изолација ужива во друштво на своето семејство, сопруот Гино и синовите Димитар и Кристијан. Таа за Женски Магазин откри како се справуваат со ситуацијата со коронавирусот.

* Како се снаоѓате во овој период на изолација во домот, што правите со децата, предлог игри за недосадни денови? 

- Кога има сончеви денови, претежно сме во двор. Децата играат со топка, се лулаат лулашката во дворот или играат некои нивни игри. Со сопругот ги користиме сончевите денови за скара или го средуваме дворот. Дома со децата играме друштвени игри како карти, Не лути се човече или шах, а навечер готвиме вечера. 

* Дали како професорка одржувате и поддржувате онлајн настава со вашите ученици? 

- Со постариот син редовно учиме за на училиште, а со помалиот работиме активности предложени од градинката. Со студентите на ФМУ имам онлајн часови, а паралелно работам на проекти во студиото кое се наоѓа во нашата куќа. 

„Не се плашам од вирусот, ме чуваат моите супер херои“- синовите на Андријана за Априлилили

* Дали сте исплашени од ситуацијата со коронавирусот?

- Отсекогаш сум била оптимист, па така и сега, гледам од позитивната страна на ситуацијата: повеќе време за семејството и домот, повеќе одмор, помалку стресови на работа. 

* Вашата сестра е мажена во Италија. Како е ситуацијата таму, по фактот дека тоа е најзагрозената држава со коронавирус во светот?

- Се слушаме секој ден. Таа живее во Милано, но е во изолација уште 20 дена пред нашиот карантин овде. Така што кај неа е сè во ред.