И кога, за среќа, брзо и успешно се избориме со корона вирусот, последиците остануваат на косата. Обично паѓа, се разредува, но квалитетот и структурата на косата е сериозно оштетена, вели Бобан Цириќ, фризер и дава совети како да го решите тој проблем.

Лошата, проретчена коса, излитената коса е нешто што ниту една жена не го посакува, а ваквите случаи, според Бобан Цириќ, познат белградски фризер, се зголемуваат. Виновникот е прележаниот ковид. Причините за тоа, понатаму наведува, може да бидат физиолошки, стресот што го доживува нашето тело додека се бори против инфекцијата, недостаток на витамини и минерали, поради што е оневозможена и исхраната на фоликулите на косата.

- Телото едноставно штеди на одржување на системите што не му се важни и затоа го намалува протокот на крв и хранливи материи до коренот на косата. Влакната реагираат на тоа со запирање на растот, одење во состојба на одмор, а потоа во фаза на паѓање - објаснува тој.

Исто така, се прави голема разлика дали сте имале проблем со опаѓање пред инфекцијата или дали истенчувањето се случило само по прележан ковид-19.

- Ако проблемот настанал по инфекцијата, важно е да се зајакне протеинската исхрана, да се збогати со витамини и минерали, а некои од лосионите може да се користат за стимулирање на раст на косата. Акцентот дефинитивно треба да се стави на исхраната бидејќи проблемот е во телото, а лосионите и ампулите се само помошни средства во овој случај - објаснува Бобан.

За жените чија инфекција само го продлабочи постојниот проблем, закрепнувањето е, за жал, потешко и подолготрајно.

- Најдобриот совет што можам да ви го дадам е да контактирате со трихолог, лекар за коса. Само тој може да ви даде соодветна терапија. Она што сигурно нема да му наштети, а може да помогне е растворот на пантенол, кој е пожелно да се протрие во коренот и да не се исплакне, како и земање биотин кој го забрзува растот на косата - препорачува Бобан и додава дека ако, и покрај сè што сте направиле,  нема услови за подобрување, можете да пробате третман со крвна плазма (Пјер Пи), кој ги стимулира фоликулите да започнат со раст на нова коса.

Извор: жена. блиц.рс

Foto: freepik.com

Квасец: Идеално и едноставно решение против опаѓање на косата и за побрз раст