ПЦР-ТЕСТ НЕ ПРАВАМ, НЕ ДАВАМ ПАРИ ВО ПРИВАТНА ЛАБОРАТОРИЈА: Граѓаните лути-термини за тестирање во центрите за јавно здравје нема
Огромен број граѓани со симптоми на корона вирусот или воопшто не се тестираат или пак со тест за домашна употреба купен од аптеките самите си потврдуваат дека се заразени со ковид-19. Веќе подолго време нема термини во центрите за јавно здравје за правење ПЦР-тестови заради што луѓето кои се болни и побарале лекарска помош од матичните лекари или се упатени во другите градови или пак им е советувано да се тестираат во некоја од приватните лаборатории. Но, најголем број од нив одбиваат тоа да го сторат бидејќи цената е превисока за нивниот буџет:
- Докторка, знам дека имам ковид, си купив тест од аптека. Ве молам да ме лечите според напатствијата за корона вирусот. ПЦР-тест не правам во приватна лабораторија, ниту пак одам во некој од другите градови и тоа ми е голем трошок.
