Пепси со гала забава и огномет за 40. роденден

Светскиот бренд „Пепси“, кој во Македонија го донесе Прилепска пиварница, со гала забава го прослави својот 40. роденден, во скопскиот ресторан „Рагуза 360“. Огномет, познати гости и убава музика беа дел од прославата која заврши со роденденска торта.

Марјана Станојковска не водеше низ приказната на „Пепси“, кој во земјава е дојден во 1979 и тоа само по еден телефонски разговор. 

За музиката беше задолжена Каролина Гочева и нејзиниот бенд. Каролина испеа дел од нејзините најголеми поп-хитови во нови аранжмани и песните од безвременските проекти „Македонско девојче“, сличен репертоар како на концертите во Филхрамонија во февруари, само во поинтимна атмосфера.  


„ Прилепска пиварница“ ја слави 40-годишнината на „Пепси“ во Македонија со десетици високи признанија од „ПепсиКо“ групацијата: бронзени, сребрени и златни награди за квалитет, како и највисокото признание Chairman’s Circle of Champions за врвни перформанси во работењето. Награда која е толку ретка, што „Прилепска пиварница“ беше единствената фабрика во Европа која ја доби таа година.

По 40 години и повеќе од 50 милиони долари инвестирани во Македонија за маркетинг и производство од „Прилепска пиварница“ и „ПепсиКо“, брендот „Пепси“ продолжува да биде исклучително силен чинител во македонската економија. Во тек е и наградна игра за прослава на јубилејот, во која секој ден од овој месец еден купувач на „Пепси“ добива по 40.000 денари, а на 1 јули сите недобитни учесници ќе учествуваат во извлекувањето на големата награда од 400.000 денари.


Фото: Вангел Тануровски