Попара, залиена пита, прженици: 12 старински јадења од времето на Југославија - додека ги јадевме пукавме од здравје - нема повкусно

фото:recepti.com / bakina kuhinja

Додека ги јадевме пукавме од здравје - нема повкусно!

Секој од нас има сеќавање на некое старинско јадење кое се подготвувало во Југославија. А бидејќи за истите не биле потребни многу состојки за да се подготват, познати се и како „сиромашни јадења“.

Без разлика дали причината била оддалеченоста од најблиската продавница или сиромаштијата, се подготвувале „сиромашни оброци“ со многу малку намирници. Ова се всушност и највкусните јадења на кои со задоволство се сеќаваме од времето на стара Југославија.

Ви го пренесуваме списокот со „старинските, сиромашни јадења“ кои сите ги обожувавме, а додека ги јадевме пукавме од здравје:

1. Рестован компир

Во пржениот кромид додадете варени компири и изгмечете, па зачинете со пипер, сол и бибер по желба. 

2. Леб, маст и црвен пипер

Со овој оброк повозрасните ќе се потсетат на нивното детство, а сега е незамисливо за нашите деца.

3. Слатка зелка без месо

Овој здрав, лесен и евтин ручек лесно се прави. За да биде повкусно, во зелката и другиот зеленчук додадете кромид (кој прво го пропржувате), моркови, пиперки, лук по желба, домати и магдонос.

4. Компири варени со кора

Ништо поедноставно. Послужете го со сирење, направете салата од домати и имате ручек кој е идеален за топлите летни денови.

5. Бајат леб и кисело млеко

Кога не знаете што да јадете за појадок или вечера, издробете го лебот кој ви останал од вчера, во ладно кисело млеко или јогурт. Дури и денес многу деца го сакаат ова.

6. Попара

Здробете го во топла вода на парчиња лебот кој ви останал од вчера или завчера. Загрејте масло или маст и прелијте го лебот, промешајте, додадете сирење или павлака. Може да се прави со млеко наместо вода, а може да се направи и без маст и врело масло.

7. Прженици

Наместо да јадете сувомеснати производи полни со адитиви за појадок или вечера, направете прженици од компир или пиперка и јајца или било кој зеленчук кој го имате дома и пијте јогурт.

8. Пржени кришки леб

И денеска се практикува овој брз и многу вкусен оброк. Испржете лепчиња со јајца и јадете ги со јогурт или сирење.

9. Супа од компири

Кромидот и морковот се пропржуваат, се додаваат компирите исечкани на коцки, се прелива со вода, се вари, па се додава сок од домати и се зачинува. По желба можете да додадете и друг зеленчук во супата од компири, на пример пиперки.

10. Подварок

Кисела зелка со свинска маст, свинско месо и сланина - динстанана смеса во земјен сад.

11. Бајат леб со млеко и шеќер

Додадете шеќер во издробениот леб и прелијте го со врело млеко или путер. Додадете и малку шеќер одозгора - ова некогаш беше омилен десерт на децата.

12. Залиена пита

Ништо поедноставно - наредете ги корите, подмачкајте ги малку со путер, а печеното прелијте го со топла вода!