Даница и Лазар Ристовски по 42 години ставија крај на бракот: Познатите актери велеа дека ќе се сакаат цел живот, но љубовта им згасна
фото:instagram
По четири децении брак, истакнатите српски актери, Даница и Лазар Ристовски се разведуваат.
Имајќи предвид дека важеа за еден од најхармоничните и најдолговечните парови на јавната сцена во Србија, тешко е да се погоди што би можело да биде причина за разделбата на двајца реномирани актери.
„Не се разделуваме поради друга жена или друг маж“, вели Лазар во ексклузивната исповед.
- Едноставно ја потрошивме енергијата што не држеше заедно. Водени од конзервативните обичаи, можеби успеавме да продолжиме да живееме заедно, да се докажуваме, само не знам на кој, но секако е поздраво и поправедно што се решивме на овој чекор. Во последно време се гледавме со очи кои ја изгубија ревноста, ентузијазмот и љубовта што не' грееше повеќе од четириесет години, изјави актерот во исповед за магазинот „Глорија“ и додаде дека било тешко да се направи таква одлука.
Нивната љубовна приказна започнала уште во студентските денови. На првата средба меѓу Даница и Лазар се родиле емоции, а актерката често истакнуваше дека веднаш се заљубила во шармот и физичкиот изглед на Лаза.Тие се венчаа во 1980 година, а добија два сина - Петар, кој е филмски продуцент и директор и Јован, кој дипломирал економија. Постариот син, Петар е во брак со актерката Теодора Ристовски, додека помалиот, Јован со сопругата Љиљана минатиот септември го добија наследникот Богдан.
Очигледно, ниту богат и исполнет семеен живот, ниту успешна кариера, ниту четириесет и неколку години под ист покрив не беа доволни за да ги одвратат Даница и Лазар од одлуката да потпишат документи за развод.
извор:stil.kurir.rs