Посни сарми идеални за Бадник: Наполнете ги со лосос и ореви, па прелијте со ароматичен прелив

Фото: printscreen youtube/ moja mala kuhinja

Заменете ги мрсните со подеднакво вкусни посни сарми

На празничната трпеза за Бадник задолжително има сарма. Наш предлог е киселата зелка да ја наполните со фил кој ќе им се допадне на сите. Станува збор за ореви, лосос, ориз и моркови. Уште подобро е сармите да не се динстаат на шпорет, туку да се печат во рерна и така да станат уште посочни, а за подобриот вкус е заслужен и ароматичниот прелив од вода, лук и слатка пиперка.

Состојки:

2 главици кромиц

2 праз

1 морков

100 гр ориз

450 гр мелени ореви

100 гр чаден лосос

1 лажичка слатка пиперка

1 лажичка сув зачин

3 чешниња лук

кисела зелка

Подготовка:

Кромидот и празот ситно се сечкаат, па се пржат на масло. Кога ќе омекнат, додадете го сечканиот морков. Додадете сол. Потоа додадете го измиениот ориз и убаво измешајте. По неколку минути додадете ги мелените ореви, па посипете со сув зачин и бибер. Добро измешајте и извадете го од шпоретот. Додадете го сечканиот лосос и повторно добро измешајте. Киселата зелка исчистете ја, измијте ја и чувајте ја во млака вода околу половина час, а потоа наполнете ги листовите и свиткајте ја во ролна. Наредете во тавче подмачкано со масло и прелијте со преливот што сте го направиле мешајќи мелено лукче, вода и слатка пиперка. Се пече на 200°C околу половина час.

На здравје!

*пр објава