Правила за исхрана што ги почитуваат Светогорските монаси: Секогаш имаат 3 намирници на трпезата, а оваа храна ја избегнуваат

Добивај вести на Viber

Каква храна јадат Светогорските монаси, и кога постат, малку јадат, а ова се намирниците кои често се наоѓаат на нивната трпеза

Светогорските монаси се придржуваат до одредени правила кои се воспоставени со векови, а постојат и правила и традиции поврзани со нивните оброци. Јадат вкусно, здраво и едноставно, а оброкот не трае повеќе од 15 минути.

Отец Епифанија Милопотами, готвач од Атос, во интервју истакна дека нивната исхрана се состои од природни производи што им ги дава земјата Грција. Тие веруваат дека токму овој избор го штити секој монах од болест. Тие консумираат храна без конзерванси, зачини и масти, во мали порции.

Монахот објасни дека најважен во процесот на готвење е квалитетот на употребените производи. Исто така, треба да готвите со молитва на усните и љубов во срцето, тогаш оброкот ќе биде и вкусен и здрав. Светогорските монаси не јадат месо, туку јадат свежа риба. Во процесот на готвење, готвачот користи маслиново масло само во вторник, четврток, сабота и недела. Секоја друга маст во храната ја нема (масти, маргарин, путер, сос).

За зајакнување на организмот пијат многу млеко, јадат јајца и сирење, но секогаш се воздржуваат од таква храна за време на постот. Јастозите, октоподите и лигњите на нивните трпези се ретки, дозволено е само за време на постот да се диверзифицира рибното мени, бидејќи сите школки се без крв. Но, храната која речиси секогаш може да се најде на нивната трпеза се шумското овошје и печурките, како и зелените салати.

Животот на светогорските монасите е диета без слатки и алкохол. Само повремено си дозволуваат алва и локум, малку кафе и малку вино. Со сето тоа монасите уживаат во храната.

„Не одев на училиште за готвење и немам никаков степен. Но, додека бев кај постарите, научив како да пржам кромид на тивок оган: колку подолго се пржи кромидот, толку ќе биде повкусен. Научив и дека готвењето на секое јадење бара трпение …“, објасни отец Епифанија Милопотамис.