РЕЦЕПТ: Рафаела
Кој не сака десерт м? Јас сум чоко-холик секогаш, но сакам и рафаело. Многу сакам. Нежни, бели, мирисни всушност често се прашувам зошто не се викаат Рафаела баш се женствени. За да си ја задоволам душичката, а сепак да не се „самоуништиме“ со тоа ултра-шеќерно задоволство ја направив Рафаела. Конечно се вика како што треба . Пробајте!
Потребни состојки:
1 мерилка ориз
4 мерилки Млеко од лешник
150 гр. Лешници
100гр. Кокос
50гр. Мед (домашен)
Чај од рози и лешници за украсување.
Пожелно е лешниците да се сирови затоа што кога ќе ги тостирате дома, ќе добиете поинтензивна арома на лешник. Доколку е со лушпа излупете ги или купете веќе излупени. Иситнете ги во блендер само немојте да ги мелете долго да не пуштат масти.
Потоа во сад тостирајте ги 2-3 минути и додадете 1 мерилка млеко. Кога ќе почне да врие додадете го оризот по 10 минути додадете го преостанатото млеко и медот. Пробајте ако сакате да биде поблаго додадете си уште мед и варете уште 20 минути на тивко. Потоа тргнете го од оган и оставете го уште 20тина минути покриено.
Додека да отстои оризот, на слаб оган (3) тостирајте го кокосот за да добиете поинтензивна арома.
На крај сервирајте во чашки, на половина ставете 2 лажици кокос. Потоа дополнете до врв. Ставете уште 2 лажици кокос и украсете по желба.
