Рецепт за салата „Снежна кралица“: Ќе заборавите на Мимоза и Руска, а ќе биде украс на секоја трпеза

Пробајте го рецептот за салатата „Снежна кралица“, која сигурно ќе ве освои уште при првиот залак

Оваа салата освен што е вкусна, лесно се прави и ќе биде украс на секоја празнична трпеза. Сигурно сите ќе ве прашаат за рецептот, а вашето семејство ќе биде воодушевено. Одлично оди со новогодишното печење.

Состојки:

200 гр варен ориз

2 варени моркови

2 варени компири

4 кисели краставички

1 китка магдонос

10 маслинки

5 јајца

350 гр шунка

300 гр мајонез

400 гр кисела павлака

сол по вкус

Фото: Printscreen/youtube/kuhinja valentina mašković

Подготовка:

Процедете го преварениот ориз, оставете го да се излади, па ставете го во длабок сад. Додадете ситно сечкан магдонос, шунка и маслинки. Потоа додадете павлака и измешајте сè. На поголема чинија ставете кружен калап, па наполнете го со половина од смесата и убаво израмнете го. Премачкајте со малку мајонез. На поголемо ренде изрендајте ги морковите, јајцата и краставиците, па наредете ги во калапот. Одозгора повторно додадете мајонез, па наредете ја преостанатата смеса од ориз. Салатата премачкајте ја со павлака и мајонез и украсете ја по желба со останатите состојки. Ставете го во фрижидер 3 часа да се излади. Пред сервирање, извадете го калапот и послужете со прилог по ваш избор.

Извор: stil.kurir.rs