Српската комедија „Кој е тука идиот” со Милан Калиниќ во Скопје
Српската хит-театарска претстава “Кој е тука идиот” ќе гостува во Скопје, на 1. ноември, во Дом на АРМ, во Скопје од 20 часот.
Главните улоги во претставата која е популарна во регионот, ги играат Милан Калиниќ и Срѓан Ивановиќ. Претставата раскажува едноставна приказна за една современа тема, која во 1903 година ја напишала руската писателка Муза Павлова.
Во тој период во Русија, пред да стапат во брак, младите требало да добијат неколку различни потврди меѓу кои и потврдата од психијатар. Претставата започнува кога идниот младоженец кој го игра Милан Калиниќ, по бурната ергенска забава заминува кај психијатарот кој го глуми Срѓан Ивановиќ, за да ја добие потребната потврда.
Влезниците наскоро ќе бидат пуштени во продажба и можат да се набават преку продажната мрежа на купикартизасе, “Пола Југотон” и“Цвеќара Розе” - Веро 2.
