Стил на денот: Лејди Гага издоминира на премиерата на филмот „House of Gucci“ во кој таа глуми

На првата проекција на филмот за семејството Гучи, пејачката се појави во необична тоалета, кој поради дизајнот целосно одговара на нејзиниот лик и улогата на Патриша Реџина, која Гага ја толкува.

Пејачката Лејди Гага вчера се појави на премиерата на филмот „House of Gucci“ која се одржува во Лондон и со својот стајлинг, како и обично, ги изненади сите.

Таа за оваа свечена пригода реши да облече виолетов фустан со необичен крој, кој целосно го привлече вниманието на папараците.

Покрај овој необичен фустан, таа носеше и интересни мрежести чорапи и ракавици со детали со светки кои дополнително го „зачинија“ нејзиниот стајлинг. Сите овие парчиња потекнуваат од дизајнерската куќа Гучи, а фустанот неодамна беше претставен на ревијата „Gucci Love Parade“ во Лос Анџелес.

На сето ова, таа додаде малку „Tiffany & Co“ накит, а особено впечатлива беше нејзината темна шминка со виолетова нијанса, како и совршено стилизираната руса коса со ретки шишки кои одлично се вклопуваат. 

Секако, нешто по што е препознатлива Гага е секако необичните високи потпетици „Pleasure“, па тие повторно најдоа место во оваа нејзина комбинација.

Во филмот во режија на Ридли Скот, „Куќата на Гучи“, улогата на Патриша Реџиано ја доби музичката дива и неодамна успешна актерка Лејди Гага. За време на снимањето, кое се одвиваше во Рим, папараците секојдневно беа на петиците на познатата пејачка.

Покрај Гага, Маурицио ќе го игра Адам Драјвер, додека други познати имиња ќе бидат Роберт де Ниро, Џереми Ајронс, Ал Пачино, Џаред Лето. Дејството на филмот е во деведесеттите, кога е убиен и последниот Гучи на чело на познатата модна куќа.

Сепак, се појавија коментари од семејството Гучи, бидејќи Патриша Гучи, братучетка на покојниот Маурицио (која случајно ја нарекуваат неговата сопруга), истакна дека тие се разочарани.

– Го крадат идентитетот на нашето семејство за да заработат, за да ги зголемат приходите на холивудскиот систем. Нашето семејство има идентитет, приватност. Би можеле да зборуваме за се, но има граница која не смееме да ја преминеме – истакнува Патриша.