Стил на денот: Синди Крафорд го знае најдобриот начин за носење мини фустан во зима

Безвременски тренд кој гарантира атрактивен и фатален изглед е изборот на супермоделот Синди Крафорд

Познатата манекенка Синди Крафорд, една од најголемите манекенски ѕвезди во деведесетите, денес има 56 години и овој пат не воодушеви.

Волшебната Синди често ја гледаме на различни настани кои ги собираат познатите личности, па така беше дел и од ревијата на „Céline“ со својот сопруг Ренди Гербер и синот Присли. Тоа беше ревија на која беше претставена колекцијата есен/зима 2023 година, а една од водечките ѕвезди на пистата беше ќерката на Синди, Каја Гербер.

Со оглед на тоа како изгледаше Крафорд, не се сомневаме дека таа во голема мера го одвлече вниманието на публиката од шоуто.

Американската манекенка пристигна во мрежест фустан на „Céline“, лесен мини модел со кратки ракави кој паѓа покрај делот и зрачи со диско атмосфера. Станува збор за шик модел со металик сјај кој е полупроѕирен во горниот дел, па се гледаше црниот градник на Синди, но начинот на кој моделот го искомбинира овој фустан остава уште посилен впечаток.

Синди, всушност, реши да оди на испробаната опција, па облече мини фустан со кожени чизми до колена. Оваа комбинација е ултимативен зимски трик за секси изглед кој се постигнува со леснотија, а изборот на Синди се наједноставните чизми кои сепак ги истакнуваат нејзините витки и долги нозе.