Таа е нова претседателка на Косово: Вјоса Османи на чело на привремените приштински институции
Вјоса Османи е избрана вечерва за нов претседател на привремените институции во Приштина.
Кандидатката на Движењето Самоопределување, Османи, доби 71 глас во третиот круг на гласање во Собранието, а за изборите и беа потребни 61 глас, пренесуваат приштинските медиуми.
Единаесет гласа беа прогласени за неважечки.
На гласањето присуствуваа 82 пратеници, пренесуваат приштински репортери.
Нејзиниот противкандидат Насуф Бејта, исто така од Самоопределување, не доби ниту еден глас.
Во првите два круга на гласање, Османи доби 69, односно 67 гласови, што не беше доволно за потребното двотретинско мнозинство.
Кворум за успешно завршување на гласањето беше обезбеден благодарение на Адем Хоџа од Горски Котар и Фадил Гаши од ромската заедница.
Десет пратеници од Српската листа не беа присутни во собраниската сала, додека други гласачи од малцинските заедници учествуваа во гласањето.
Гласањето за избор на нов претседател на привремените приштински институции продолжи денеска во Собранието во Приштина, откако доцна синоќа беше прекината седницата бидејќи немаше кворум за донесување одлуки.
