Титов колач- омиленото благо во Југославија: Рецепт за најкремастиот и највкусен десерт

Фото: Printscreen Youtube/ Bokina kuhinja

Многу е кремаст и вкусен, овој стар рецепт ќе ве воодушеви

Кремаст колач по стар рецепт. Беше незаменлив дел од трпезата во Југославија, беше и еден од омилените колачи на Тито, по што и го доби името.

Состојки:

За бисквитот:

4 јајца

200 гр шеќер

1 ванилин шеќер

100 гр мелени ореви или лешници

5 лажици сварено црно кафе - ладно

5 полни лажици брашно

1 прашок за пециво

3 лажици масло

За првиот фил: 

400 мл млеко

5 полни лажици брашно

2 жолчки

За вториот фил:

200 гр маргарин

10 лажици шеќер

1 ванилин шеќер

100 гр стопено чоколадо

3 супени лажици ореви

Фото: Printscreen Youtube/ Bokina kuhinja

Подготовка:

Бисквит: Одделете ги белките од жолчките, а потоа изматете ги белките во цврст „снег“. Во жолчките додадете шеќер, па изматете. Во смесата со жолчките додадете масло, изладено сварено кафе, брашно, прашок за пециво и ореви и измешајте сè додека не се соедини. На крајот можете да ги додадете и белките.

Изматениот бисквит печете го на 180 степени околу 30 минути.

Прв фил: Во млекото додадете ги жолчките и брашното и изматете со миксер. Потоа ставете го на шпорет малку да зоврие за да направите пудинг.

Втор фил: Растопете чоколадо и додадете маргарин. Потоа додадете го шеќерот, ванилиниот шеќер и оревите и сè заедно измешајте.

* Убаво соединете ги двата филови. Врз кората намачкајте богат фил, па посипете со мелени ореви и чоколадо.

Пријатно!



Извор: stil.kurir.rs