Јордан Ѓорѓиев, возачот кој ја усмрти Викторија Николова кај Скопје Сити Мол, доби затворска казна од три години, одреди Кривичниот суд во денешната одлука. Олеснителна околност за него е дека го признал делото, изртазил каење и бил млад со 23 години, како и дека не бил осудуван до сега и дека се уште е студент.

Возачот беше обвинет за тешки тела против безбедноста и имотот од сообраќајот, а претходно ја призна вината.

Осуден е како виновен затоа што на 20.01.2022 кога управувал Циторен Ц4 со возилото се движел по средната сообраќајна лента и кога дошол на раскрсницата на која имало семафор кој работел со трепкаво жилто светло и бил исклучен од програм, не ја приспособил брзината.