Ѕвездата на „Беверли Хилс“ за борба со ракот: „Се случи чудо“
Актерката Шенен Доерти, која се бори со ракот на дојката, изјави дека новите резултати од третманот и дале голема надеж за иднината.
Актерката Шенен Доерти (52) во својот подкаст „Да бидеме јасни“ зборува за борбата против рак на дојка кој и бил дијагностициран во 2015 година. Ѕвездата од популарната серија „Беверли Хилс“, која има рак на дојка во четврта фаза, изјави дека новите резултати од третманот и дале голема надеж за иднината.
- Примам нова антиканцерогена инфузија и по четири третмани навистина не видовме разлика. Сите сакаа да се откажам од тоа, а јас само реков: „Ќе продолжиме со ова и ќе видиме што ќе се случи“ - објаснила Доерти во нејзиниот подкаст.
– И да, после шестиот или седмиот третман видовме дека крвно-мозочната бариера се распаѓа – истакнала познатата актерка и додала дека одговорот на нејзиното тело на новиот третман бил „чудо“.
- Тоа што всушност ја руши крвно-мозочната бариера е всушност чудо, можеби божјо чудо. Понекогаш бараш чуда на сите погрешни места, а ти се пред нос - рекла Доерти.
Првпат и бил дијагностициран рак на дојка во 2015. По хемотерапијата во 2017 година, актерката била во ремисија, но ракот се вратил во 2019 година во четвртата фаза.
Минатата година открила дека ракот метастазирал. Прво се рашири во мозокот, а потоа и во коските. И покрај тоа што кажа дека не сака да умре, Доерти објасни зошто смртта не ја плаши.
- Не сакам да умрам. Мислам дека би се исплашила до смрт ако не бев добар човек, но јас сум. Не се плашам од смртта, само не сакам да умрам. Не сум завршила со животот, не сум завршила со љубовта, не сум завршила со создавањето, не сум готова со надежното менување на работите на подобро. Едноставно не сум готова. Мојот најголем спомен допрва доаѓа - изјави еднаш Доерти.
Актерката, која беше во брак со режисерот Курт Исвариенко, дознала дека тој има друга жена непосредно пред таа да биде подложена на операција за отстранување на тумор на мозокот.
- Отидов на операција рано наутро и отидов откако дознав дека мојот брак е всушност завршен, дека мојот сопруг имал афера две години - изјавила Доерти која минатата година се разведе од сопругот.
Фото: Инстаграм
Извор:24sata.hr
