Зборувате во сон? - Дознајте што ви кажува вашето тело

Зборувањето во сон официјално се нарекува сомнилокија. Тоа е една од облиците на парасомнија, односно нарушување во однесувањето за време на спиењето. Тоа е многу честа појава и не се смета за медицински проблем.

Луѓето зборуваат во сон најмногу 30 секунди, а се случува и некои да зборуваат неколку пати во текот на ноќта. Понекогаш тоа се јасни фрази и зборови, а понекогаш тоа е само мрморење.

„Според моето искуство, зборувањето во сон може да биде поврзано со преоптоварување на нервниот систем и е предизвикано од прекумерно гледање во екранот пред спиење или од големо внесување на кофеин во текот на денот“, вели д-р Нерина Рамлахан, терапевт и експерт за спиење, пишува Web MD.

Ако вообичаено не зборувате во сон, но одеднаш сте почнале, ова може да бидат причините:

• емоционален стрес;
• температурно нарушување;
• употреба на одредени лекови кои влијаат на мозокот.

Исто така, зборувањето во сон може да се појави кај луѓе кои се самокритични, како и кај оние кои си поставуваат високи цели. Многу често луѓето кои сакаат да држат се под контрола не го кажуваат гласно што мислат и тоа се случува кога потсвеста ќе ја преземе контролата над свесното.