4-годишно девојче се здобило со страшни изгореници: Го допрела ова опасно растение кое наликува на трева и расте во дворови

Девојчето допрело опасна дива билка и била пренесена во болница, поради што нејзината градинка издала итно предупредување.

Девојче (4) се здобило со страшни изгореници од втор степен откако го допрело „најопасното растение“ Џиновски кралски коров. Воспитувачката ги повикала нејзините родители да проверат дали имаат трева во нивните градини, откако четиригодишното дете завршило во болница. 

Идентитетот на девојчето не ѝ е познат на јавноста бидејќи нејзините родители сакале да го сокријат од приватни причини. 

Девојчето си играло во паркот Лонгсајт во областа Харвуд во Манчестер кога допрела опасна дива билка во саботата. Веднаш била пренесена во амбулантата, поради што нејзината градинка издаде итно предупредување.  

Опасното растение често расте покрај жива ограда и изгледа како висока трева, што го прави уште поопасно за случајните минувачи. Во изјавата директорот на градинката Харди Мил рече:

- За жал, едно од нашите деца беше во контакт со ова растение во текот на двете недели распуст и заврши во болница со изгореници од втор степен. Ве молиме, внимавајте на ова растение во вашата градина и кога сте надвор со вашите деца. Информирани сме дека ова растение дефинитивно расте во паркот Лонгсајт. 

Би било корисно да им покажете на вашите деца како изгледа ова растение за да не дојде во контакт со него. Џиновски кралски коров или Heracleum mantegazzianum - е озлогласено опасно растение кое веројатно ќе го сретнете ако одите покрај реки и потоци или во близина на слатководни извори.

Растението е особено загрижувачко бидејќи не мора да го скршите или да го втриете сокот во кожата за да ги фатите неговите болни ефекти - доволно е само при поминување покрај него да се истриете од растението за да создадете проблем на кожата. Џиновските стебленца на Heracleum mantegazzianum имаат влакна како игли кои предизвикуваат екстремна иритација.

Токсините во сокот се врзуваат за ДНК во клетките на кожата, предизвикувајќи ги да умрат и да формираат огромни изгореници и плускавци. Билката може да биде висока до 1,5 метар, со долги зелени стебла со виолетови дамки, огромни гранки со мали бели цветови и зелени лисја. 

Топлото време среде карантин поради корона вирусот, заедно со поплавите кои беа пред неколку години, предизвикаа експлозија на „Heracleum mantegazzianum“ низ цела Британија. Десетици стебла на отровното растение се забележани низ Велика Британија, според PlantTracker.

Забележано е и во селата и во градовите како Лондон и Манчестер. Кралското хортикултурно друштво (RHS), исто така, го опишува растението како „сериозен ризик за луѓето кои не се свесни за неговата потенцијална штета“. „Сан“ претходно објави за уште две деца кои се здобиле со огромни повреди од ова опасно растение, 10-годишната Лорен и 22-месечната Ела. Според Woodland Trust, плускавците предизвикани од огромни изгореници од билката може да траат неколку години. Доколку се сомневате дека сте дошле во контакт со Heracleum mantegazzianumтрева, советот на Healthline е да ја измиете погодената област со благ сапун под ладна вода и да ја чувате подалеку од директна сончева светлина.

Фото: Профимедиа

Видео: Youtube