Бијонсе и Џеј Зи повторно во Хрватска: Ѕирнете како ужива славниот пар
ФОТО: EPA.EU
Славниот пар моментално е на Јадранот со своите наследници на супер луксузна јахта.
Атракција на хрватското приморје деновиве е огромна јахта на која се гледаат познатиот пар Бијонсе и Џеј Зи. Овој пат папараците ги уловија како се одмараат закотвени во Цавтат. И додека раперот лежеше и замислено гледаше во далечината, Бијонсе, очигледно поенергична, постојано одеше и се обидуваше да фати уште еден сончев зрак.
Парот на јахтата престојува со трите деца, а можеше да се забележи дека покрај слугите има и телохранители и дадилки. Ова не е првпат музичките ѕвезди да се во Хрватска. Тие во 2009 година беа фотографирани во Дубровник и Цавтат, а одморот во тој период ќе им остане во сеќавање поради инцидентот во кој нивниот телохранител нападна хрватска новинарка. Епилогот на инцидентот бил прекршочна пријава и парична казна, која нивниот вработеа морал да ја плати поради нарушување на јавниот ред и мир.