На Тиа за три години ѝ били поставени 30 погрешни дијагнози: На крајот откриле дека има тумор на мозокот

Тоа е најчестиот тип на тумор на мозокот кај децата...

На 11-годишната Тиа Гордон 30 пати ѝ беше поставена погрешна дијагноза во период од три години пред да и биде дијагностициран тумор на мозокот. Нејзината мајка Имоген Дарби открива дека дури кога состојбата на Тиа почнала да влијае на нејзината рамнотежа и способност за одење, конечно била соодветно прегледана, по што било откриено дека девојчето има тумор на мозокот од три и пол сантиметри.

- Ми кажаа дека Тиа има стомачен вирус и мигрена. Бевме советувани да пиеме повеќе вода. Таа доби парацетамол за главоболки и дека нејзината конечна дијагноза е мигрена. Повеќе од три години ја носев ќерка ми на лекари, ѝ беше одбиена магнетна резонанца, ѝ беше одбиен прегледот на ургентна педијатрија, се јавив и бев во итната медицинска помош, четири пати и менуваа очила, и даваа разни лекови и закажаа прегледи, но требаше да не може да оди за да ја добие потребната сериозна нега - изјавила мајката на Тиа за The Sun.

Имоген првпат ги забележала симптомите на Тиа за време на пандемијата со Ковид 19, во март 2020 година кога Тиа почнала да се разболува. Отпрвин таа била болна на секои неколку месеци, потоа месечно, а потоа многу почесто.

- Имав впечаток дека постојано им се јавувам на лекари или одам кај нив - се присетува мајката на месеците пред дијагнозата, кога Тиа десет пати била на општ лекар, а трипати на итната медицинска помош.

- Ја однесов во итната медицинска помош, каде ми кажаа дека има стомачен вирус, но потоа и се појавија нови симптоми. Чудно го држеше нејзиниот врат. Отиде на излет во пештерата преку училиштето и кога се врати мислев дека незгодно спиела и затоа е извиткана. Тиа се пожали дека вратот и е „вкочанет“.

Загрижената мајка се справила и со овој проблем, но бидејќи закрепнувањето на девојчето траело предолго, мислела дека не е вообичаено вкочанетоста на вратот да трае толку долго.

-Повторно ја однесов на лекар, поради што беше испратена на физиотерапија, но со заклучок дека „незгодно спиела“ - се присетува мајката на уште една погрешна дијагноза.

Длабоко во себе, Имоген почувствува дека нешто не е во ред со начинот на кој Тиа го држела за вратот. Тоа го забележло и поширокото семејство.

- Конечно, консултантката рече дека ќе направи магнетна резонанца за да ни даде малку спокој, но дека прегледот ќе трае со месеци. Оттогаш, Тиа беше болна повеќето утра и повраќаше секој ден од ноември 2023 до јануари 2024 година. Таа стана многу болна. Неколку дена пред Тиа конечно да биде примена во болница, таа била целосно изнемоштена.

Мајката му се јавила на педијатрискиот консултант и тој само рекол дека нешто не е во ред со девојчето.

- КТ скен го откри туморот на Тиа, кој е пилоцитен астроцитом - најчест тип на тумор на мозокот во детството. Оперирана е во рок од 10 часа и бенигниот тумор е отстранет. Беше прилично ужасен ден. Со операцијата успеале да извлечат 96 отсто од растот.

Оттогаш, девојката правела магнетна резонанца на секои три месеци, а тоа ќе продолжи да го прави во следните пет години.