Благоја Грујовски за првото издание на „Фолк вечер на популарноста“: Ова е само еден чекор, за подобар статус на браншата
![](/media/main/2023/04/20230427132909.jpg)
Македонските фолк уметници синоќа се собраа во хотел „Амор“ во Кочани, на првото издание манифестацијата „Фолк вечер на популарноста“, да ја прослават музиката и да добијат признанија за своите достигнувања, успеси и заслуги за македонската музика – тоа што досега недостасуваше.
Наградите им ги врачија еминентни личности од браншата, автори,продуценти и музички уредници, како и претставници на медиумите.
Благоја Грујовски, уредник на програмата и водител на настанот, вели дека главниот мотив на манифестацијата е да се даде еден импулс и публицитет на фолк естрадата.
- Тоа се уметниците кои го обиколуваат светот и со песна ги сплотуваат луѓето во дијаспората. Со години и децении. Тоа главно поминува незабележано. Популар-
ната македонска песна е надвор од фокусот на вниманието на медиумите, спонзорите и големите сцени. И тоа трае долго. Ова е само еден чекор кон подобар статус на браншата. – вели Грујовски.
На манифестацијата „Фолк вечер на популарноста“ стауетки за животни достигнувања добија Сузана Спасовска и Наум Петрески.
Со награди се закитија и младите ѕвезди Стојне Николова и Дамјан Стојаноски.
Списокот на наградени го сочинуваат и Ленче и Горан Кукиќ, Сашо Нојкиќ – Цаки,
Елена Андоновска, групата „Круна“ и„Енерџи бенд“, како и актуелните и мега популарни Влатко Миладиноски, Спасен Силјаноски, Анета Мицевска, Јордан Митев и Сузана Гавазова.
Почесно постхумно признание доби великанот на народната музика Милан Завков за огромниот придонес.
Покрај Благоја Грујовски во улога на водител на сцената се појави и Ирена Спировска.
Организатор на настанот е ИМД продукцијата од Кочани.
(С.А.Н)
Фото: Вангел Тануровски
![](/media/gallery/2023/04/20230427133113347141607.jpg)
![](/media/gallery/2023/04/20230427133113245379091.jpg)
![](/media/gallery/2023/04/202304271331131581038088.jpg)
![](/media/gallery/2023/04/202304271331151132907046.jpg)
![](/media/gallery/2023/04/202304271331151539141004.jpg)
![](/media/gallery/2023/04/20230427133116227580074.jpg)
![](/media/gallery/2023/04/20230427133116423477828.jpg)
![](/media/gallery/2023/04/202304271331181536558376.jpg)
![](/media/gallery/2023/04/20230427133119649055547.jpg)
![](/media/gallery/2023/04/202304271331191477838162.jpg)
![](/media/gallery/2023/04/202304271331201044522059.jpg)
![](/media/gallery/2023/04/202304271331221907938613.jpg)
![](/media/gallery/2023/04/20230427133123558659169.jpg)
![](/media/gallery/2023/04/20230427133124110819690.jpg)
![](/media/gallery/2023/04/202304271331251122189583.jpg)
![](/media/gallery/2023/04/202304271331251174653132.jpg)