Блејзер и шорцеви - омилената модна комбинција на Ана Ивановиќ во 8 различни изданија (ФОТО)
Ана Ивановиќ ја сака модата и редовно споделува фотографии од своите шик комбинации на Инстаграм. Обожава трендови, но истовремено е посветена на класичните парчиња, а најчесто ја гледаме во изданија кои се и елегантни и ноншалантни во исто време.
Познатата бринета неодамна сподели видео на кое се гледа комбинацијата која најчесто ја избира за време на летните вечери кога приликата повикува на дотерување.
„Блејзер и шорцеви - дефинитивно една од моите омилени комбинации за летно вечерно издание“, напиша накратко Ана Ивановиќ.
Ана во видеото покажа дури осум различни комбинации кои ги направила со помош на шорцеви, блејзери, блузи и сандали, а секоја е многу шик и паѓа во очи. Шорцевите и блејзерот се исто толку ефикасен и елегантен моден избор како и женскиот костум, но помалку формален, помладешки и забавен.
Ова е комбинација која дава простор за играње и надополнување со различни аксесоари - чевли, чанта, накит... Познатата тенисерка повеќе сака да носи кратки панталони и блејзер со сандали со прерамки и висока потпетица, но на една од фотографиите покажа дека и патиките можат да изгледаат одлично во оваа модна приказна.
Па, доколку ви треба инспирација за летен, вечерен аутфит во наредните денови, потсетете се на предлогот на Ана!
Извор: zena.blic.rs
