Чуваа деца и спиеја со мажите во соседната соба: Само една успеа да го разведе и да му стане сопруга

Фото: Profimedia

Многу дадилки ги уништија браковите и врските на многу познати мажи, а јавноста се прашува кои и какви се жените на кои некои од најпознатите личности не можеа да им одолеат.

Бен Афлек и Кристин Узунијан

Џенифер Гарнер (50) се справи со низа проблеми кога беше во брак со Бен Афлек (50), а потоа во 2015-та година се дозна дека актерот имал афера со дадилката на Кристина Узунијан (35). Џенифер поднесе барање за развод истата година и се шпекулираше дека причината е дадилката која ги чувала нивните три деца.

Фото: Profimedia

Наводно, актерот платил Кростина и нејзините пријатели да престојуваат во скап хотел, а се шират гласини дека таа се пофалила дека ѝ ветил брак по разводот со Џенифер.

„Тоа е потполно ѓубре и товар од лаги“, рече Бен. Како што пишуваше „People“, Афлек започнал афера со дадилката на неговите три деца набргу откако таа била вработена, а тие често се среќавале во хотел. Нејзината пријателка рече дека тоа траело долго и Кростин ѝ покажала фотографии на кои се бакнуваат.

„За неа тоа беше врска. Еден пријател ја предупреди дека ќе заврши со скршено срце“, рече таа. Дадилката исто така отиде на одмор со Бен и Џенифер на Бахамите во 2015-та година кога парот објави дека се разведува.

На почетокот на 2016-та година Гарнер потврди дека Афлек е во врска со дадилката, но таа тврдеше дека тоа не е причината за разводот. „Само да ви кажам нешто. Бевме разделени со месеци пред да слушнам за дадилката. Таа немаше никаква врска со нашата одлука да се разведеме. Таа не беше дел од равенката“, изјави таа за „Vanity Fair“.

Итан Хок и Рајан Шохаџ

Рајан Шокџаџ (40) го освои актерот Итан Хок, 12 години постар од неа, додека ги чуваше децата со Ума Турман (52).

Кога Ума дознала дека Итан има афера со дадилката, го прекинала нивниот брак. На почетокот тој жестоко негираше дека е виновен за прељуба, но во 2008-ма година, три години по разводот со Турман, се ожени со Рајан. Истата година се венчаа, ја добија ќерката Клементина (14), а во 2011-тата година ќерката Индијана.

Фото: Profimedia

Се чини дека Хок и поранешната дадилка имаат хармоничен брак и еднаш се дозна дека клучот е да не практикуваат моногамија, односно имаат отворена врска. Актерот проговори за нереалните очекувања кои лојалноста кон една личност ги поставува во врската.

- Луѓето имаат детски поглед на моногамијата и верноста. Велат: „Тој изневеруваше, па тој е лош, таа изневеруваше, па таа е лоша“, но всушност нашиот вид не е моногамен. Врската не може да се заснова на сексуална верност“, објасни тој во 2013-та година во интервју за списанието „Porter“.

Очигледно е дека неговата поранешна сопруга Ума, со која ги има ќерката Маја (24) и синот Левон (20), не се согласувала со тој став, но очигледно Итан нашол „заеднички јазик“ со Рајан.

Арнолд Шварценегер и Милдред Баена

Познатиот актер Арнолд Шварценегер (75) бил фатен во афера со собарката и дадилка Милдред Баена (61). Ова му пресуди во бракот со новинарката Марија Шрајвер (66), од која се разведе во 2017-та година по 31 година брак.

Со сопругата има две ќерки и два сина, а интересно е што синот на Арнолд и Милдред, Џозеф е роден на 2 октомври 1997-ма година, само пет дена подоцна од Кристофер, најмалото дете на актерот и Марија.

За многумина е фасцинантно и тоа што од петте деца што ги има, Џозеф најмногу личи на својот славен татко. Познатиот моќник еднаш проговори за аферата што ја имал.

„Често размислуваш за тоа и можам да се мачам колку што сакам, но тоа нема да ја промени ситуацијата. Клучната работа е како да продолжите понатаму? Како да имате одличен однос со децата?“, изјави тој за „Men's Journal“.

„Не можете да го вратите времето назад, кога би можел да бидам Терминаторот, би се вратил во времето и би рекол: „Не, Арнолд“. Знаете, секогаш е лесно да се биде паметен подоцна. Животот не функционира така“, додаде Арнолд, чиј вонбрачен син Џозеф објавува фотографии со него на својот Инстаграм профил и заедно вежбаат.

Милдред еднаш зборуваше за нејзината афера со Арнолд во списанието „Hello!“. Таа рече дека неговата сопруга Марија погодила дека спијат заедно од шепоти во куќата и секогаш ѝ велела дека може да ѝ се обрати доколку ѝ треба нешто.

Во еден момент таа ја прашала Милдред дали има афера со нејзиниот сопруг.

„Таа беше толку силна. Таа плачеше со мене и ми рече да станам од на колена. Се држевме за раце и ѝ реков дека не е крив Арни, дека се потребни двајца“, откри дадилката.

Џад Лоу и Дејзи Рајт

Во 2005-та година, Џад Лоу (49) направи изненадување за неговата тогашна девојка, актерката Сиена Милер. Дејзи Рајт, која тогаш имаше 26 години, за британски „Мирор“ изјави дека имала афера со познат актер.

Наместо да се грижи за неговите три деца, тие започнале афера.

- Тој е одличен љубовник и знае како да задоволи жена. Не можевме да се заситиме еден од друг- истакна таа. Таа рече дека актерот го направил првиот потег, а не се срамела да признае дека едно од децата ги видело во кревет.

Актерот јавно се извини и тој и Сиена се смируваа неколку пати пред да раскинат засекогаш во 2011-та. Џад има шест деца со три различни жени, а од 2019-та година е во брак со психологот Филипа Коан, која е 14 години помлада од него.

Мик Џегер и Клер Хаусмен

Мик Џегер (79) важи за голем заводник, а во 1998-ма година на неговата долга листа на љубовници се најде и тогаш 23-годишната дадилка Клер Хаусмен.

„Сè уште не знам како се случи, но Мик одеднаш ми прошета со раката низ мојата коса и ми се допадна. Бев во неговите раце. Ме крена на шанкот во кујната и ми ги соблече панталоните. Се бакнувавме страсно и следното нешто на кое се сеќавам е дека водевме љубов“, изјавила Клер за медиумите.

Фото: Profimedia

Таа додала дека била во хотелски апартман со пејачот на бендот Ролинг Стоун, а во другата соба била неговата тогашна партнерка Џери Хол и нивниот син Габриел.

Гевин Росдејл и Минди Ман

Гевин Росдејл (56) е еден од попознатите прељубници благодарение на бракот со Гвен Стефани (52) и приказната за тоа како таа го открила неговото изневерување.

Имено, пејачката на семејниот таблет пронашла непристојни пораки и разголени фотографии од дадилката Минди Ман (34) и Гевин. Мобилниот телефон на Росдејл случајно се синхронизирал со таблетот и на него е префрлена несоодветната содржина.

Фото: Profimedia

Музичарот бил откриен по тригодишна врска со дадилка, а во еден период Гвен била бремена по трет пат и го носела нивниот најмлад син Аполо.