ДЕТЕТО ПРЕД СЀ – Офталмолошка посета, изненадувања и подароци за дечињата од градинката Литл Ми

Добивај вести на Viber

Февруари широко ги отвори портите од својот двор исполнет со безброј предизвици кон децата. Во градинката Литл Ми со мотив повеќе добиен од претходно постигнатите добри резултати, постигнати во месецот, кој претходеше, веќе се подготвени нови патеки и патокази, кои ќе нѐ водат кон нови знаења.

Креативно, содржински богата и прилагодена тема кон возрастите на децата, испреплетени содржини, игри и активности, кои имаат задача да го задржат детското внимание и интерес, создаваат одличен амбиент на работа, творење, истражување и стекнување нови знаења.
Темата за месецот, која е насловена „ЧОВЕКОВОТО ТЕЛО“,нуди бескрајни можности да се запознаат и откријат многу нови знаења. Умешноста на воспитувачите и негувателите придонесува низ содржините да се опфатени сите аспекти од развојот на детската личност.

Опфатот подразбира користење на игри и активности за поттикнување и развој на моториката(крупна и ситна), поттикнување, збогатување и оформување на што подобар, побогат и поквалитетен говор, когнитивен развој, социоемоционален развој и слично. Се применува правилен пристап при учењето кој кај децата буди желба да се истрајни, упорни, љубопитни, толерантни да го вреднуваат и да се радуваат на она што ќе го постигнат.

Градинката Литл Ми и нејзиниот тим и во овој втор месец од годината не го занемарија значењето кое го има запознавањето на професиите преку запознавање на нова професија непосредно поврзана со содржината на темата која се работи. Задоволството и успехот беше дотолку поголем што овој пат самите родители беа доволно мотивирани за да предложат и нѐпоканат на запознавање на нивната прифесија – офталмолог.Оваа професија е непосредно поврзана со еден дел од човековото тело- окото,  за кој , како и за сите други, децата треба да научат и дознаат многу нови работи.

Ја посетивме офталмолошката ординација „ИЦО ОПТИКА“, во која родителите на две наши другарчиња беа одлични домаќини.Децата на почетокот имаа можност да проговорат и прашаат сѐ што ги интересира во врска со окото како орган на нашето тело, а домаќините им покажаа и им ја измерија нивната очна диоптрија и им покажаа како се прават очилата. Успешно и вешто го задржаа вниманието кај сите присутни дечиња и воопшто постоеше амбиент на корисна, едукативна, поттикнувачка за многу прашања и позитивна социоемоционална дружба.

Секогаш крајот го краси делото и така беше и при крајот од посетата. Благодарение на домаќините, кои видно се радуваа на нашето присуство, секое дете имаше можност самостојно да проба и да си одбере очила за сонце како подарок од нивна страна. Тие помислија и на нас вработените за кои исто така имаа подготвено убави подароци.

Целта ја постигнавме: се едуциравме, се запознавме со нова професија иси понесовме многу позитивни впечатоци. Воедно, потврдивме  дека соработката со родителите и семејствата преставува многу важен сегмент и поддршка во успешната работа на градинката со најмалите и најмилите. Преку тоа, градиме доверба, непосреден и корисна соработка и даваме пример за добро организирање на времето во и надвор од градинката. Ова е позитивна пракса која приватната градинка Литл Ми веќе долги години наназад ја поттикнува, практикува и зајакнува.

Целата атмосфера од посетата може да ја погледнете на следниотлинк https://www.instagram.com/p/C3DKRBaO6V3/

Детето пред сѐ. #МалиИголемиВоLittleMe