Два здрави посни појадоци: Со нив лесно ќе слабеете, а може да си ги носите и на работа
Ви ги пренесуваме 2-те најздрави посни појадоци во светот.
Палента – најпознатиот посен појадок
Палентата е неверојатно едноставна за подготовка. Обично се подготвува во сооднос 4:1 (4дл вода на 100гр палента). Истурете вода во тенџере и загрејте го до вриење. Водата можете да ја посолите по вкус и да додадете малку масло (ако постите масло). Потоа во зовриената вода додадете ја палентата. Можете да го комбинирате ова зготвено јадење од пченкарно брашно со растително сирење, скара или динстаен зеленчук или печурки на скара.
Овој оброк содржи доволно минерали, хранливи материи и витамини кои му се потребни на телото за нормално функционирање. Палентата има големо влијание за спречување на разни болести, како и за целокупното здравје на човекот. Содржи природни масти, т.е. Каротеноидите и овие здрави масти се одговорни за моќта на палентата која промовира подобра и поквалитетна функција на цревата. Палентата е одлична за слабеење, бидејќи исто така влијае и на доброто и здраво варење.
Пченката е одговорна за сите придобивки од ова вкусно јадење. Веднаш по пченицата и оризот, пченката се смета за најважната житарка во светот. Тоа е една од најдобрите намирници што го исполнува човечкото тело со долготрајна добра енергија.
Пченкарното брашно содржи широк спектар на хранливи материи. Ова брашно е одличен извор на фолати, витамини Б6, К и Е, пантотенска киселина, тиамин, рибофлавин и ниацин. Исто така, може да се пофали со висока содржина на фосфор, магнезиум, цинк, калиум, бакар, селен и манган.
Каша со овесни снегулки
За сите љубители на сладок појадок, овесната каша би можела да биде најдобрата опција. Истурете четири до пет лажици овесна каша со 150 ml вода. Наместо вода, можете да користите и топло кокосово или бадемово млеко. Додадете 2 лажици растителен протеин (по избор), 100 гр бобинки или друго омилено овошје и 1 лажичка путер од кикирики (или други јаткасти плодови). Се разбира, можете да користите и јаткасти плодови или сушено овошје и да додадете мед наместо путер од кикирики.
Овесната каша се смета за еден од најздравите појадоци, додека многумина не можат да замислат утро без омилената каша. Освен што ги прочистува цревата, таа е идеален избор за слабеење, па затоа е составен дел од различни диети.
Како прво, овесната каша е полна со растителни влакна и ќе ве одржи подолго време да се чувствувате сити. Второ, една студија од 2016 година објави дека јадењето појадок направен со јаглехидрати со „бавно ослободување“, како овесна каша или житарки од трици, три часа пред тренингот може да ви помогне да согорите повеќе маснотии.
foto: freepik/ilustracija
