Фустанот на Викторија Бекам е омилен модел ова лето: Го обожува и кралицата Летиција, жените импресионирани (ФОТО)
Фустанот со потпис на Викторија Бекам во последно време е виден на многу трендсетерки на денешницата
Веруваме дека сте забележале дека истата облека се врти меѓу ИТ девојките, супермоделите и членовите на кралското семејство. Прилично е впечатлив поради зелената боја, а секоја нова интерпретација секако го прави парче достојно за препознавање како „must have“.
Бела Хадид уште во септември се прошета на шоуто на Викторија Бекам пролет 2023 година облечена во гореспоменатиот миди фустан во боја на лимета, а потоа истиот модел на фустанот стана познат во круговите на славните летово, појавувајќи се насекаде, од церемониите на крунисувањето до Вимблдон.
Викторија Бекам традиционално е најдобрата амбасадорка на својот бренд, а се разбира, таа беше првата што го облече зелениот миди фустан директно од пистата, комбинирајќи го со црни кожени чизми за ноќно излегување со сопругот Дејвид во Њујорк во октомври.
Само три месеци подоцна, Кендал Џенер го носеше ИТ фустанот во ресторанот Нобу во Дубаи, стилизирајќи го токму онака како што нејзината блиска пријателка Бела го прошета по пистата: во комбинација со црни кожени оперски ракавици, излижана коса и црни кожени чизми од The Row.
Во мај, фустанот повторно се појави на радарот, овој пат на шпанската кралица Летиција, која присуствуваше на свечен прием во Бакингемската палата пред вистинската церемонија на крунисување на кралот Чарлс III. Секако, ова беше и дипломатски избор за шпанската кралица, која го надгради својот изглед додавајќи брош со дијамантски лак и го заокружи со пар класични штикли .
ФОТО:Јутјуб принтскрин/Инстаграм принтскрин
