Хуманитарен настан за бездомните крзнени другари на интернационалниот ден на животните
Кане корзо е граѓанска иницијатива за заштита на правата на животните. „All we need is paws“ е пораката што сакаме да ја испратиме до сите. После се што видовме деновиве решивме малку поинаку да пристапиме кон решавање на проблемот. Сакаме сите, ама буквално сите да ја дознаат суровата вистина за судбината на многу бездомни другари. И оние во Вардариште, и оние на улица и оние кои се под наша закрила.
На 4-ти октомври во четврток во дојдете во Пивница Стар Град - Скопје. На настанот ќе дознаете повеќе за нас и нашиот активизам, ќе можете да прашате се што ве интересира, а воедно и ќе можете да ни помогнете во борбата со тешките болести кои ги имаат поголем дел од нашите штитеници. Ќе има добра музика, мини базар, едукативен дел и дружба со сите кои сакаат животни.
Специјални гости ќе бидат Битрикс Кру, кој со својот перформанс ќе придонесат за атмосферата.
Од срце ви ветуваме нема да се покаете ако дојдете!
#kanekorzomk #allweneedispaws #KaneKorzoMK
