Имала 120 кг, се срамeла да излезе од дома: Сега Викторија изгледа неверојатно

Пред да остане бремена, Викторија Боуен имала просечна тежина. Но, за време на бременоста, таа почнала да се дебелее, бидејќи јадела чоколадо со секој оброк.

- Буквално сфатив дека морам да јадам за двајца, па така се однесував - се сеќава Викторија.

Кога го родила своето второ дете и застанала на вагата, имала што да види - вагата ја измерила 120 килограми!

Тоа ја фрлило во очај, но наместо да се грижи за исхраната, Викторија секоја вечер се тешела со омиленото задоволство - чоколадо.

Дури кога нејзините синови наполниле осум и девет години и кога сфатила дека не може да трча по нив, решила да се збогува со лошите навики на јадење.

- Пресвртницата се случи кога бев во паркот со синовите и сопругот - се сеќава Викторија. - Мојот сопруг трчаше со децата, а јас седев на ќебе за излети и размислував колку радост ми недостасува во животот поради мојата дебелина.

Таа ја започнала диетата уште следниот ден. Таа започнала сама да подготвува здрави оброци и го исфрлила чоколадото без кое не можела да замисли ниту еден ден претходно.

За појадок јадела овесна каша со овошје, а за ручек домашен зеленчук или овошен чипс. Поранешниот ручек на пржено пилешко, сирење, газирани пијалоци и чоколадо го заменила со пилешко, ориз и салата и јадела говедско и салата за вечера.

На почетокот, шетала со своите синови секој ден, а одела во теретана еден час пред полноќ, кога таму скоро немало други луѓе.

- Се срамев што сум дебела, не сакав луѓето да зјапаат во мене додека се потев на справите - искрена е Викторија.

Кога почнала да слабее и малку ја зајакнала самодовербата, отишла во теретана и ангажирала личен тренер кој ја надгледувал додека таа вежбала со голема мотивација.

Ослабнала дури 47 килограми и, како што вели, животот и се свртел за 180 степени.

- Не ослабев преку ноќ, требаше волја и упорност. Ги сменив навиките и веќе не ми е непријатно да ја напуштам куќата. Сега сум среќна што одам на шопинг и се радувам на мојот нов живот - вели Викторија.

Foto: Instagram/tor.gets.fit

Извор: https://www.telegraf.rs/