Кажете ни кога пиете кафе, па ќе ви откриеме колку сте здрави
Кој рече дека кафето е штетно?
Најновото истражување носи фасцинантни сознанија - не само што овој омилен пијалок може да биде сојузник на здравјето, туку и времето што го консумираме игра клучна улога за долговечноста и виталноста на срцето.
Најновата научна студија, спроведена на повеќе од 40.000 возрасни Американци, покажа дека времето на пиење кафе може да биде исто толку важно како и неговото количество. Овие наоди дополнително ги потврдуваат претходните истражувања кои го поврзуваат умереното консумирање кафе со бројни придобивки, како што се намален ризик од срцеви заболувања, мозочен удар и дијабетес тип 2.
Додека претходно фокусот беше главно на тоа колку шолји дневно се оптимални, сега доаѓаме до неочекуван заклучок - времето од денот кога го пиете кафето може да го одреди неговото влијание врз вашето здравје.
Утринско кафе – еликсир на долговечноста
„Досегашните студии покажаа дека кафето не го зголемува ризикот од срцеви заболувања, туку напротив, може да придонесе за намалување на ризикот од одредени хронични болести“, вели д-р Лу Чи, професор на Универзитетот Тулејн. „Со оглед на ефектите на кофеинот врз телото, сакавме да истражиме дали времето на консумирање кафе може да има дополнително влијание врз здравјето на срцето“.
Испитаниците беа поделени во две главни групи – оние кои пијат кафе претежно наутро (36%) и оние кои уживаат во него во текот на денот (14%). Останатите, дури 48% од учесниците, не конзумирале кафе.
Резултатите беа неверојатни – оние кои пијат утринско кафе имале значителни здравствени придобивки. Студијата, која траеше речиси една деценија, покажа дека оние кои го започнуваат денот со кафе имаат 16% помал ризик од смрт од која било причина и 31% помал ризик од срцеви заболувања во споредба со луѓето кои воопшто не пијат кафе.
Спротивно на тоа, оние кои консумирале кафе во текот на денот не покажале значително намалување на ризикот од смртност.
Здравствени придобивки во една чаша
Кога станува збор за здравјето на срцето, оние кои пијат утринско кафе покажале импресивни резултати – оние кои умерено уживаат во кафето наутро имале 48% помал ризик од смрт од срцеви заболувања. Дури и оние кои пиеле повеќе од три шолји дневно забележале намалување на ризикот од 39%, додека оние кои пиеле една шолја или помалку имале 35% намалување.
Зошто утринското кафе е подобар избор?
Експертите посочуваат две клучни причини зошто кафето наутро носи повеќе придобивки.
Прво, конзумирањето кафе подоцна во текот на денот може да го наруши деноноќниот ритам и да го намали производството на мелатонин - хормон кој е клучен за квалитетен сон и здравје на срцето. Истражувањата покажуваат дека попладневното консумирање кафе може да го намали нивото на мелатонин за дури 30% во текот на ноќта, што може негативно да влијае на регенерацијата на телото.
Второ, антиинфламаторните својства на кафето имаат најголем ефект наутро, кога нивото на воспалителни маркери во телото е највисоко. На овој начин, вашата утринска шолја станува моќен сојузник во борбата против воспаленијата и одржувањето на здравјето на срцето.
Заклучок – тајмингот е сè!
Оваа студија носи важна порака – не е важно само колку кафе пиеме, туку и кога го консумираме. Ако сакате да го искористите неговиот целосен потенцијал за долговечност и здравје, направете ја вашата шолја кафе суштински утрински ритуал.
И ако сте вистински љубител на кафе, има уште една клучна состојка која кардиолозите ја препорачуваат за силно и здраво срце – но за тоа ќе зборуваме во една од следните написи!
