Жените „полудеа“ по „ботокс - напивката“: Тврдат дека ги намалува брчките и го враќа младешкиот изглед на кожата

Добивај вести на Viber

Секојдневно сме бомбардирани со различни решенија за зачувување на младешкиот изглед и убавина. Се чини дека решението е многу едноставно.

Наместо скапи третмани и строги диети, тајната за сјајна кожа и забрзан метаболизам лежи во правилната исхрана и внимателно одбраните состојки. Затоа многумина го обожаваат напитокот познат како „ботокс напивка“. Тоа е природна мешавина која го стимулира производството на колаген, го подобрува тенот на кожата и му ја дава на телото потребната енергија.

Направен е од три моќни состојки: портокал, морков и ѓумбир. Оваа комбинација е богата со витамини, антиоксиданси и хранливи материи кои заедно ја обновуваат кожата, го зајакнуваат имунитетот и го стимулираат метаболизмот. Покрај тоа што е добар за здравјето, овој напиток ја стимулира природната регенерација на телото, ги успорува знаците на стареење и го враќа младешкиот изглед на кожата.

Рецепт за „ботокс-напивка“:

Состојки:

*2 излупени портокали
*4 до 6 моркови
*3 см свеж ѓумбир
*1/3 чаша вода

Подготовка:

Сите состојки ставете ги во блендер и изблендирајте. Напитокот најдобро е да се конзумира еднаш дневно, идеално навечер, за телото да ги апсорбира сите хранливи материи што е можно повеќе. За почеток, пијте го три пати неделно, а потоа постепено зголемувајте ја фреквенцијата. Веќе по неколку недели ќе забележите позитивни промени на вашата кожа и ќе се чувствувате подобро.

Како функционира напивката?

Портокал – Богат е со витамин Ц, клучен за производство на колаген. Помага за одржување на еластичноста на кожата, ги намалува брчките и го враќа природниот сјај.

Морков - Содржи витамини А и Б, кои ги регенерираат клетките на кожата и го подобруваат нејзиниот тон. Бета-каротенот ја штити кожата од надворешни оштетувања.

Ѓумбир - природен антиоксиданс и антиинфламаторно средство. Ја подобрува циркулацијата на крвта, давајќи ѝ на кожата здрав и свеж изглед.

Со редовно консумирање на овој напиток ќе забележите помазна, посветла и поздрава кожа.