Кога животот станува тежок, сетете се на овие зборови: Осум вредни совети од психолог за подобар живот
Позитивните мисли се клучот за среќен живот
Психотерапевтите немаат волшебно стапче за нашите проблеми, но можат да ни помогнат да ги видиме од поинаква перспектива и на тој начин да им пристапиме на вистински начин. Тие можат да ни дадат вредни насоки и совети кои ќе не‘ натераат да размислуваме и да се движиме во вистинската насока.
Оваа година беше стресна и сите се најдовме на вистински ролеркостер од емоции. Затоа сите ќе цениме неколку совети од терапевти и доза позитивна енергија за да продолжиме понатаму.
8 личности споделија важни совети кои ги практикуваат оваа година од нивните терапевти. Овие зборови им помогнаа да ја „преминат“ оваа напорна година:
1. Мислите не се факти
Нашиот мозок може да обработи милион мисли во минута и никогаш не размислуваме да застанеме и да размислиме за нив. Нашите мисли не се факти. Она што го мислиме не е секогаш точно, затоа понекогаш треба да застанеме и да ги преиспитуваме нашите мисли. Ова е единствениот начин на кој нашиот живот ќе биде избалансиран.
2. Бидете нежни со себе
Грижете се за вашето ментално здравје, како и за вашето физичко здравје. Одвреме-навреме одморете си од се‘ и секого, вака се штити умот.
3. Не сте должни да им помагате на сите
Вие не сте одговорни за туѓите емоции. Не сте должни на грб да го носите товарот на туѓите проблеми. Сосема е добро да се најдете во туѓи неволји, но не дозволувајте да бидете преокупирани со туѓите грижи, бидејќи така се губите себеси.
4. Не можеме да ги контролираме туѓите мисли
Не трошете драгоцено време и енергија обидувајќи се да им докажете на другите дека грешат. Оваа „работа“ непотребно ќе ве исцрпи.
5. Тагата не треба да се игнорира
Справувањето со тешките моменти е неизбежно на животното патување. Плачете кога ви е тешко, солзите се лек. Соочувањето со тешки времиња може да ни помогне да продолжиме понатаму.
6. Ставете се себеси на прво место
Ако не се грижите за себе, нема да можете да бидете добри ниту со другите. Да се ставите себеси на прво место не е себично, туку клучот за среќата.
7. Не постои такво нешто како совршен момент
Никогаш нема да бидете целосно подготвени за следниот чекор во животот. Ако чекате совршени околности, никогаш нема да постигнете ништо. Започнете сега, не чекајте совршена можност.
8. Не барајте изговори за вашите постапки
Вашите одлуки се ваша работа и не сте должни да ги оправдувате пред другите. Ако околината не ги разбира вашите постапки, тоа не е ваш проблем
Фото: Unsplash
