Љубов како од бајка: Турската актерска двојка Неслихан и Кадир Догулу, вљубени како и првиот ден

Добивај вести на Viber

Неслихан Атагул и Кадир Догулу се едни од најпопуларните глумачко-љубовни парови во Турција, а колку се сакаат, зборува и предпоследниот пост на актерката на Инстаграм.

Иако актерката Неслихан Атагул ги растажи обожавателите на турската хит серија објавувајќи дека го напушта сетот на серијата „Ќерката на амбасадорот“ поради здравствени проблеми, таа ужива во слободното време колку што може, а кое го поминува најмногу со сопругот Кадир Догулу.

Еден од тие моменти, 28-годишната Неслихан го сподели со следбениците на Инстаграм, каде објави фотографии со Кадир. Нашата публика добро го памети од сериите „Научи ме да сакам“ и „Прашање на честа“, на чие снимање парот се вљуби.

„Херојот К“, кратко напиша Неслихан заедно со фотографиите за кои доби илјадници лајкови и коментари од нејзините 11,5 милиони следбеници.

Убавата Неслихан ги изненади гледачите со веста дека ја напушта главната улога во „Ќерката на амбасадорот“ затоа што не можеше да продолжи со снимање поради здравствени проблеми. Имено, таа беше дијагностициран со синдром на пропустливост на дебелото црево, па затоа мора да се фокусира на своето здравје.

„Моето тело не може да го издржи ова, треба да се одморам“, напиша Неслихан на социјалните мрежи.

Во серијата, таа беше заменета со нејзината колешка Туба Бујукустун, за која сценаристите создадоа нов лик.