Лола и Мила се родиле за нас, Бог сакал ваква субина: Сопругата на Сергеј Ќетковиќ проговори за посвоените ќерки
„Ние, бевме
судени на Лола и Мила,
тие се родени за нас, како што и ние сме родени за да бидеме нивни родители“, вели Кристина
Ќетковиќ, која ја знаеме како сопруга на познатиот пејач Сергеј Ќетковиќ. Пред околу десетина години, тие двајца посвоија две девојчиња, Лола и Мила, кои им дадоа целосна
смисла на животот. Освен што се грижи за ќерките, Кристина се занимава и со
готвење, а неодамна несебично ги сподели своите мали кулинарски тајни со следбениците
на Инстаграм и Јутјуб.
Велат, зад секој успешен маж стои силна жена. Сите слушнаа за Кристина Ќетковиќ (44), жената на едно од најголемите имиња на Блаканската естрадата, но јавноста немаше можност подобро да ја запознае. Знаевме кому Сергеј ја посвети песната „Oči nikad ne stare“, на кого мислеше додека ги пееше стиховите „ Prije tebe, znaj, ja nikad nisam znao voljeti“, но Кристина цело време се криеше во стиховите од песната „poglede u tami“. Никогаш не сакала да се експонира во јавноста бидејќи смета дека вниманието насочено кон Сергеј е доволно. Таа неодамна го отвори својот канал на YouTube „Remek jelo“ каде ги споделува своите кулинарски вештини и рецепти со јадења кои најмногу ги сакаат нејзините ќерки Лола и Мила, како и нејзиниот сопруг Сергеј.
Кулинарскиот канал е идеја на Сергеј
- Готвењето е моја љубов долго време. Уживам во него толку многу години што со текот на времето стана нешто преку кое ја изразувам мојата креативност. Навистина сакам да подготвувам разни јадења за моето семејство и пријателите во кои тие уживаат, а нивните позитивни реакции го условија Сергеј да дојде до идеја да започнам свој кулинарски канал. Отпрвин бев скептична, но се покажа дека е во право бидејќи „Remek jelo“ стана убава платформа за готвење, креативност, споделување одлични рецепти и дружење. Следбеници има се повеќе, а преку комуникацијата со нив научив многу - вели Кристина на почетокот.
Подготовката на слатки е омилената забава на Кристина во кујната. Има и специјалитети од италијанската кујна, кои му се омилени ан Сергеј, додека ќерките сакаат се што ќе им подготви мајка им.
- Сергеј сака италијански специјалитети, децата скоро се, а најмногу сакам кога нивните реакции се такви какви што очекував. Сите сме вклучени, тоа е забавно, а понекогаш тие го јадат она што сум го подготвила за каналот, пред да сликам и да го поставам, па сè почнува од почеток.
Вели дека готвењето и станало поинспиративно откако станала мајка. Не сакала многу јадења додека не почнала да ги подготвува за ќерките, а со нивна помош сега секој специјалитет е поубав и повкусен.
- Тие две се полни со идеи, сакаат да бидат со мене додека подготвувам, помагаат, си играат и кога ќе видам колку уживаат, се трудам да им ја исполнам секоја желба.
Мојот сопруг ме освојува секој ден
Сергеј ја освои со своите доблести и духовитост. Таа вели дека е среќна жена што покрај себе има таков прекрасен и благороден маж, а тој продолжува да ја освојува секој ден.
- Секој ден ме смее со разни шеги. Се познаваме уште од мали нозе и секогаш се чувствував посебно во негова близина, што тогаш ми беше необјасниво. Подоцна беше откриено зошто е тоа така. Се поддржуваме во се‘, а и денес ме освојува со своите доблести поради кои, меѓу другото, многу го сакам - вели Кристина, која со Сергеј е во брак 22 години.
Таа и Сергеј го посвоиле девојчето Лола во 2010 година, а две години подоцна во нивниот дом пристигнала и четиримесечната Мила. Кристина се сеќава на доаѓањето на ќерките во нивниот дом, но и нејзиното срце ги памети како најубавите моменти во животот. Лола била мила и мирна, додека Мила веднаш решила да ги разгали со својата бунтовност.
- Лола беше прекрасно, мирно бебе, само се смееше. Се сеќавам на нејзиното доаѓање како еден од најубавите моменти во мојот живот. Тогаш немаше страв, веднаш се вклопивме како цел живот да сме заедно. Мила беше многу немирна како бебе и сега секогаш се шегувам дека Мила е вистинската, не би сакале да имаме друго дете - се сеќава Кристина.
Додека малите бебиња полека растеле, Кристина се сеќава дека била многу нетрпелива да слушне кој збор прв ќе го кажат, да види кога ќе поодат. Од сегашната временска дистанца, таа смета дека таквите работи се маргинални, но дека има голема взаемна љубов во срцето на заплетот.
- Само што разговарав со пријателка за тоа пред некој ден. Колку им беше важно кога беа бебиња, кој збор прв ќе го кажат, на колку месеци ќе почнат да одат, а сега ми е смешно. Да ти кажам право, заборавив дали тато или мама прво кажаа, не се сеќавам. Знам само дека овде се роди огромна безрезервна љубов и тоа е најважното во нашата врска.
Лола и Мила се родени за нас
Кристина и Сергеј никогаш не криеле од своите наследници дека се посвоени. Постојано им кажуваа дека се „родени од срце“ и дека им е судено да бидат нивни ќерки. На крајот се бројат само љубовта, поддршката, атмосферата во семејството и семејниот дом. Меѓутоа, доколку Лола и Мила некогаш сакаат да ги запознаат своите биолошки родители, Кристина и Сергеј ќе се потрудат да им ја исполнат и таа желба.
-Тие две одамна знаат дека се посвоени и тоа е најважно. Во нашата врска нема забранети теми или лаги. Никогаш не помисливме да скриеме нешто од нив. Тие знаат сè и ако сакаат да се запознаат со нивните биолошки родители, ние ќе бидеме таму да направиме се што е во наша моќ тоа да се случи. Тоа се нормални работи, немам страв од тоа, бидејќи никој не може да ими биде мајка или татко повеќе од нас двајца, без разлика што не сме ги родиле. Ние бевме предодредени за нив, тие се родени за нас, како што ние сме родени да бидеме нивни родители. Бог имаше таков план за нас и му благодариме за тоа.
Кога станува збор за воспитувањето на децата во денешни услови, Кристина смета дека предизвиците се многу поголеми отколку во периодот кога била девојче во основно училиште.
-Денес е многу потешко отколку кога бевме деца. Сè им е лесно достапно. Најмногу ме нервира што телефонот стана центар на светот. Да не зборуваме за други опасности кои се закануваат. Затоа мислам дека треба постојано да разговараме со нив, да разговараме, да разговараме. Да бидеме постојано таму, вклучени и заинтересирани за се што им се случува. Се трудиме да им ги всадиме тие вистински семејни вредности, да бидат добри и да прават добро, а потоа да се надеваат само на добро - вели на крајот Кристина.
Фото: Инстаграм-Срегеј Ќетковиќ/Инстаграм-Ремек Јело
