Малолетна бременост, кавга со сестра ѝ и депресија: Скандалите на сестрата на Бритни Спирс продолжуваат
Пејачката не можеше да ѝ ги прости шокантните детали кои ги
откри во својата автобиографија.
Многу се пишуваше за животот, подемите и падовите на Бритни Спирс, а посебно беше покриено нејзиното судење со нејзиниот татко Џејми, кој имаше старателство над славната пејачка цели 13 години.
Таткото не е единствениот член од семејството со кој пејачката е во лоши односи. Имено, нејзината сестра Џејми Лин Спирс објави автобиографија наречена „Things I Should Have Said“ и по тој повод откри многу шокантни детали за нејзината сестра.
Меѓу другото, таа изјавила дека на 12 години доживеала тешка траума кога Бритни ја заклучила во соба додека во другата рака држела нож.
Според неа, животот на сестрата на славната пејачка не бил нималку лесен, особено затоа што детството го поминала за да ги „скрие емотивните епизоди на Бритни од светот“.
Бритни била навредена од се‘ што презентирала во книгата и ја обвинила дека го искористила моментот кога психички не била најсилна. Покрај тоа, пејачката ја обвини дека не ѝ дала соодветна поддршка кога се борела за старателството над синовите.
Џејми Лин се испроба во актерството во 2002 година, кога благодарение на нејзината сестра доби улога во филмот „Crossroads“ каде ја глумеше помладата Бритни. Таа, исто така, се обиде да започне музичка кариера, а со Бритни пееше на нејзиниот албум во 2013 година.
Сепак, скандалот што ја потресе јавноста во 2008 година фрли сенка врз кариерата на тогаш 17-годишната Џејми Лин. Имено, странските медиуми објавија дека по компликациите од бременоста, сестрата на познатата пејачка искрварила до смрт, а лекарите биле принудени да направат итен царски рез.
Во своите мемоари, таа исто така истакна дека нејзината околина била за Џејми Лин да абортира.
„Мислам дека најлесната работа за нив ќе биде „ајде, ајде да го завршиме ова и да се вратиме да бидеме совршена мала сестра бидејќи тоа е твојата улога“. Му благодарам на Бога што застанав во одбрана на себе и го кажав токму она што го сакав“, изјави таа за странските медиуми.
Лин и нејзината тогаш 8-годишна ќерка Меди доживеале несреќа на 5 февруари 2017 година. Тие завршиле во поток, а возилото по несреќата се превртело на покривот. Таа со хеликоптер е пренесена во болница во критична состојба. И покрај тоа што неколку дена по несреќата била во несвест, девојчето закрепнало.
„Јас не сум од оние кои проповедаат и не сум свештеничка, но Божјиот тајминг не е случаен“, напишала Лин тогаш.
По овој немил настан, Лин решила да го преиспита својот живот, да почне од нула и да признае дека има проблеми со депресија и анксиозност, пишува „Нет.хр“.
