Може да ја има било која, а ја сака само неа: На 18 заведе 42-годишна жена, таа роди две деца, а нивниот брак по 10 години сѐ уште шокира
Сем и Арон Тејлор-Џонсон се најдобар пример дека вистинската
и искрена љубов е посилна од какви било предрасуди.
Холивудскиот актер Арон Тејлор-Џонсон често го нарекуваат наследник на Бред Пит, бидејќи неговиот изглед ги „полудува“ дамите ширум светот! Имено, извајаното тело, светлите очи и локните го прават овој заводник неодолив! И додека многумина би помислиле дека скршил многу женски срца, тој повеќе од една деценија е во брак со славната режисерка Сем Тејлор-Џонсон (55) која е 23 години постара од него, со која има и деца!
Нивната приказна е токму филмска, како бајка со среќен крај! Се чини дека секоја година нивната страст само станува се‘ посилна, до тој степен што решиле да ги обноват заветите пред семејството и пријателите по 10 години брак. Некои љубовни приказни се чини дека се напишани во ѕвездите и ништо не може да им застане на патот, ниту една деценија разлика во години.
Во 2008 година, Сем Тејлор имаше 42 години, разведена и ќе го режираше својот прв долгометражен филм. Режисерката два пати преживеала рак, па додава дека поради тоа не била нервозна за нејзиното режисерско деби.
„Да се помине низ тој свет на рак, снимањето филм не е ништо“, коментира таа.
Арон Џонсон ја доби главната улога во нејзиниот филм. Така судбината го прекрстила патот на 18-годишниот актер и мајката на две деца. Нивната љубов се родила додека се впуштале во нивниот филмски проект, а останатото е историја.
Некои можеби ќе се задржат на 24-годишната разлика во години, но тоа никогаш не било проблем за вљубената двојка. Арон претходно призна: „Јас сум стара душа, а таа е млада душа“.
Што се однесува до режисерката, таа призна дека ја привлекувала зрелоста на младиот актер. За нејзиниот прв впечаток за него, таа коментираше: „Тој беше многу интензивен“.
Од самиот почеток, Арон длабоко во себе знаел дека Сем ќе му стане сопруга и не сакал да губи време на чекање. „Штом завршивме со снимањето, тој ми рече дека ќе се ожени со мене“, откри Сем и додаде: „Никогаш не сме биле на состанок, ниту пак сме се бакнале“.
Двојката ја објави својата свршувачка во 2009 година на премиерата на нивниот филм во Велика Британија. Додека во 2012 година, 5 месеци откако го добија второто заедничко дете, тие го рекоа судбоносното: „Да“.
Младенците дури решија да си го земат презимето. Тогаш 22-годишниот актер ја објасни својата одлука со зборовите: „Не гледам зошто жените треба да го земаат презимето на мажот“, а потоа додаде: „Сакав да бидам дел од неа исто толку таа сакаше да биде дел од мене“.
Двојката добидве ќерки покрај двете ќерки што Сем ги имаше од првиот брак. Тие го добија своето прво дете кога Сем имаше 43 години. За време на бременоста, младиот татко откри дека не бил нервозен бидејќи веќе го доживеал тоа како очув на нивните најстари деца, т.е на нејзините две деца.
Арон никогаш не пропушта прилика да ја пофали мајката на своите деца и да искаже каков добар пример е таа. Тој истакна: „Мислам, нивната мајка е една од најсилните, најнезависните жени што ги познавам“.
Се чини дека времето им помага уште повеќе да се заљубат. Во јуни 2022 година, тие решија да ги прослават своите 10 години брак и да ја потврдат својата љубов со обновување на свадбените завети.
Еден ден подоцна, актерот ги сподели овие слатки зборови на социјалните мрежи: „Вчера беше најубавиот ден, нашата 10-годишнина... Неверојатно сме благословени“.
Тој додаде: „Семи, ти си мојата љубов, мојот живот, мојата сродна душа, мојата сопруга, мојот свет!“
Овој навидум необичен пар со години ги уништува сите предрасуди и на дело покажува дека љубовта не познава граници! Ако покрај саканата личност се чувствувате среќно, задоволно, безбедно, мотивирачко и исполнето - знајте дека се будите покрај вистинскиот партнер.
Фото: Youtube - screenhsoot/Инстаграм
Извор: стилкурир
